Yacedkel 27:16 - NABUWWA KEE MALIKWA

¹⁶ Suuriyah mari kaadu tellemmo ko'lih abak sugeeh; atu lito mango tellemmô-duyye kok xaamak sugen. Too duyyet milaaguh (libaakih), anxaxin unxux kee diimin saraay, dilwa le sara kee *baftak bicsen xagar meqe sarooy, baddi arul geytima uwway gacro deqsitahiyya kee, qasa unxux koh edde milaagak sugen.

Yacedkel 27:16 Referans Kwoze

Makaabon 10:6

Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.

Yacedkel 28:13

Qadan bustaanay Yalli isim abehiyyah addal sugte. Qax amqinnaan luul qax koo yeymeeqe. Qisi kee anxaxinan kee kuclinan kee walqin bisu le bila xagaral le sartanat sugte. Dahabak bicsen duyye bilqah xagaral luk ten. Koo bicsen saaku, too duyye koh yeceen.

2 Samuwel 10:6

Sarrak Qammon mari, Dawud naqabu xaamiteenim isinnik yeexegen. Tohuk gexxaamah, Suuriyah baaxok Beet-Racob kee Xooba deqsitta namma rakaakayak labaatanni alfi qaskariita lakqot bahsiisen. Tonnah kaadu, Toob rasuk taban kee namma alfi qaskariita kee, Maqka deqsitta baaxoh malik kee alfi qaskariita lakqot bahsiisen.

2 Samuwel 8:5

Dabaaqah Damaskol yen Suuriyah mari, Malik Hadad-Qeder catoh qaskar ruubeeniih; Dawud qeebil labaatanna kee namma alfih takke qaskar keenik qide.

Yacedkel 16:10

Dilwa le kamesiy qax-meqe kot heeh; xagar meqe addaytih kabel kot hee. Qax-meqe musaan amol haysitta'gidih, koh ecee. Cariirik bicsen sartanat koo hee.

Yacedkel 16:13

Mango bilay dahab kee lakqok bicseenihiyya luk ten. Talbi-qaala kee cariirik bicsen sartanay mango dilwa lehiyya luk ten. Adda meqe darok aben gaqambooy, malab kee caxâ xaylok bicsen *zeyti ku maaqoh sugte. Qaxah wir axcuk teneeh; tohih sabbatah malikáh innah gacte.

Yacedkel 16:18

Woo anu koh ecee dilwa le sartan bahha hayteeh, woo lab numih ceeloh bagul hayte. Anu koh ecee caxâ xaylok bicsen *zeyti (saliid) woo ceeloh sadgatah teceeh; anu koh ecee qaydarus wokkel sadgatah rubte.

Yacedkel 16:57

Abte umaane kok qaddowtaamak dumal, keenil asaaluk sugte. A saaku atu kaadu miduh elle yasuulen sahdaytó tekke. Edom kee Filistiin mari elle yasuulem koo. Ku deraafil yan mari koo bursuta.