Yacedkel 26:6 - NABUWWA KEE MALIKWA

⁶ Teetik baddi-afal raqtah tan mandarittel yan mara seefit selelon. Suur mari YALLA kinniyom too saaku yok aaxigelon» iyye.

Yacedkel 26:6 Referans Kwoze

Yacedkel 26:8

Suur magaalak baddi afal raqtah tan mandarittel yan mari qeebit ambaxele. Nabkadnessar mari boodod dageleeh, bullaaqek megdebitte xiseloonuuh, eded bicselon. Gooba mangak gexxaamah siinik isinni dacrisak wadir sin biyaakelon.

Yacedkel 16:46

Barah kok naba ku maqanxáy Samaariya deqsittahiyya kee tet xaylo dabaaqah-elle-tanim, atu elle tani'kkek kilbat le kabut raaqa araca. Kok qunxa maqanxá kee dariifal tan gaandoodiy gabbi-qaxat kok raqtahiyya, migaaqah Sodom deqsitta.

Yacedkel 25:17

Yi naqbi le'nna ken ayballayuk, uma digaalah ken digaaleyyo. Agaagul sinni canê-gacsa keenit abeyyo. Too waqdi YALLA kinniyom yok aaxigelon» iyye.

Yacedkel 25:14

Israayil ummatay yi ummat kinnihiyya yi aftok Edom maral cane gacselon. Yi naqbi le'nna ken aybulleelon. Yi digaala elle obta maral le inna ablelon. Tahat yabtam yoo YALLAY Mulki lehiyya» iyye.

Yacedkel 25:11

Tonnah kaadu Mooyab digaaleyyooh; too saaku YALLA kinniyom yok aaxigelon» iyye.

Yacedkel 25:7

Tohih sabbatah sin buubu waah sin radu waa marih gabal sin heeyyo. Sarrah doolat akah akke waytaanaah, baaxo akah alle waytan innah, inkitanuuk sin bayseyyo. Anu YALLA kinniyom too saaku yok aaxigetton» iyye.

Yacedkel 25:5

Rabba deqsitta magaala gaali elle yaloole guubuh gacseyyooh; Qammon marih baaxo inkitanuuk illi elle yaloole guub abeyyo. Anu YALLA kinniyom too waqdi aaxigetton› keenik inxic» iyye.

Yacedkel 16:48

«Waara YALLAY Mulki lehiyya kinniyooh; inni migaaqal xiibita'mmay, ku maqanxá Sodom kee tet dariifal tan gaandoodi, koo kee kok dariifal tan gaandoodi abtem maabinnon.

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.

Yacedkel 16:53

Yalli iyyeemih, «Sodom kee tet dariifal tan gaandoodiiy Samaariya kee tet dariifal tan gaandoodit barkat hayu waa ayro, Yarusalaamey, kot kaadu barkat heeyyo.