Yacedkel 26:16 - NABUWWA KEE MALIKWA

¹⁶ Baddi xaqul tan baaxooxah amoytitte dardaarinni koraasih baguk obba 'yeenih, xer-kameswa kee dilwa le sarak katta 'yeenih, baaxok bagul gacelon. Siinit tekkem abaluk kaxxa cunxoh cunxitelon. Xagar keenik axaxoh mayaada.

Yacedkel 26:16 Referans Kwoze

Yacedkel 32:10

Anu kol baahu waam ummatal hagga akkele. Yi seef ken fan kinisu waa saaku malikwa meysih axaxitele. Celemih elle tan aracak koo kalu waa saaku ken roocih meysi ken abbixele» iyye.

Yoonas 3:6

Nanawê magaalah malik aham yoobbe waqdi, elle suge dardaarinni korsih baguk uguttu 'yeh, edde suge ibak gulub maada kameesik katta 'yeh, *qabuddat gacca 'yeh gombod addat daffee.

Hosiqa 11:10

Anu lubak innah xongolu waa waqdi, yi mari axaxitak ayrô-culmaak yoo fanah amaatele.

Yasaqya 3:26

Magaala gasoosah afal yan mari rookiteleh weeqeleeh, oson elle sugen magaala, qasunuk heen barray baaxok bagul daffeytahiyyah bis aallele.

Daaniyel 5:6

wariggiteeh; abeh yan wariggak gexxaamah fooci kaak burraaciteeh, guluuba kaak axaxxeh, yinnikisseh.

Yacedkel 7:8

«Away xayi saakih addat yi naqbi siinil oobele. Abba hayten umaaneh sin digaaleyyo. Ama qax-umaane le abtoy edde assa 'teenihiyya siinit macaba.

Yasaqya 52:2

Yarusalaam maraw, siisa isinnik urgufa. Ama elle tanin siisak katay, dardaarinni korsih amol gaca. Casbit yan Siyon-maraw, axawah edde tanin silsilat isinnik kala.

Yasaqya 47:1

YALLI iyyemii: «Baabelon magaalay, elle tan dardaarinni-korsik oobay baaxol bullaaqê-bagul gac. Dumah yan saaku, qeebil num akak ayse weeh, gabah xage ween bikirit tan baxuwwah gidek sugte. Ahak wadir luk ten saytunan kee qax-maqaane gaba kok kalteh.

Yasaqya 41:5

«Allî-baaxoh mari anu abem yubleeh, too way cunxiteeh, axaxiteh. Sarra gaabowwa 'yeenih yemeeten.

Ermiyaas 48:39

Mooyab mari finqiteeh, bala ken tibbixeh. Edde yaniinim, booge! Qaybi ken yibbixeh. Sahda elle anqassa mara yekken. Keenil xayi baaxoh mari ken yable way, kaxxa wariggah wariggitaanaah, anqaasah keenil raban. Tahat yabtam yoo YALLA» iyye.

Yacedkel 7:27

Malik weeqeleeh, mislik niya radele. Ummatat axaxo heele. Abba hayteenimih sin digaaleyyo. Sinaamal abak sugten cokmi siinil abeyyo. YALLA kinniyom too waqdi yok aaxigetton» iyye.

Yacedkel 16:10

Dilwa le kamesiy qax-meqe kot heeh; xagar meqe addaytih kabel kot hee. Qax-meqe musaan amol haysitta'gidih, koh ecee. Cariirik bicsen sartanat koo hee.

Yacedkel 26:21

Akak aduure wayta finqah koo finqiseyyo. Manoh maraqta. Sinam koo gorrissaamah koo mageyta. Tahat yabtam yoo YALLAY Mulki lehiyya» iyye.

Yacedkel 28:17

Litoh tan qax-maqaane kaxxiina koo bahsisseeh, migaq-gexxoy luk sugte hawri koo cabsisseh. Tohuk gexxaamah xabba koo heeh, baaxot koo qide. Kot tekkem tuble malikwa, tah net akkeleh, axcuk, akah meysitta 'ta digaalah koo digaale.

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.

Yacedkel 31:15

YALLAY Mulki lehiyya kaadu iyyeemih, «Too caxa dite le kabri obte saaku, baaxo inkih arkite. Baaxoh addak racta lee gexi haak masuginniyo. Buyyitte darah oobi haak masuginniyo. Too caxa rabteemih sabbatah, Lubnaan qaleelal dite qideeh; garbol enna 'ya coox kafse.