Yacedkel 26:10 - NABUWWA KEE MALIKWA

¹⁰ Ken faroosa mangak gexxaamah, faarisih gexot tawqeh tan siisa sin buulele. Faaris-gaariira kee faras amok qeebi abta labha edde tan faariisa, tiddigille magaala cultu wayta waqdi, radah yan anayat gidaarwa engeyya axcele.

Yacedkel 26:10 Referans Kwoze

Yacedkel 27:28

Ku markabih maray badal gexak sugehiyya badat sute waqdi, abeenih yanin xongolot badak afal tan baaxo axaxisen.

Yacedkel 26:15

YALLAY Mulki lehiyya Suur magaalal yan marak iyyeemih, «Nabkadnessar mari sin yabbaxu waa saaku, baddi afal yan mari siinit yakkeh yan ricidih abtan booge kee qawna aabbeleeh, too xongolo warigga ken heele.

Ermiyaas 47:3

Faarisiy yardehiyyak ibi xongolo antaabbele. Faaris-gaariiray xoxobak tamaatek radda xongolo aabbelon. Gaariirah ibih xongolo sinaamal radele. Abbobti xaylo makassaay, baxi abbak, ‹Yi abbaw yoo cat› iyyaamah, abba abeh yan wariggah gurmuddi'nnah soolak raaqele.

Yacedkel 26:7

YALLAY Mulki lehiyya kaadu qagseh iyyeemih, «Suur aysibixe'gidih, Baabelon-malikiy malikwak inkih nabahiyya baaheyyo. Kay migaq Nabkadnessar. Ta malik kilbat le kabuk kaxxa qaskar kee, faras amok qeebi abta qaskar kee, faaris-gaariira luk amaatele.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Yoosuwa 6:20

Sarrak seeka baanta toogoreeh; too waqdi raqqa 'ye mari too baantah anay akah yoobbe innaak kaxxa xongoloh xongolen. Too waqdi magaalat maroh tan gasoosa tiddigilleh. Sarrak qaskar takkeemik woo magaala elle tan kooma fan yewqeeniih magaala yibbixen.

Yoosuwa 6:5

Sarrak baanta ayseede'kal waqla fan meqe gide xongolisaanama. Too anay taabben waqdi aki mari yakkeemiik xongolaama. Too waqdi woo magaalah gasoosa inkih addah addigillele. Tohuk lakal qaskar elle sugte'kkek takkeemiik magaala cultaama» kaak iyye.

Ermiyaas 39:3

Yarusalaam-magaala tibbixsime waqdi, Baabelon-malikih-qaskarak kaxxa abbobtih yen mari inkih, Fanti-Afa deqsita aracal daffeen. Tokkel daffeytem, Nergal-Sarexer deqsita num kee Samgar-Nabo deqsita num kee Sarsakim deqsita num kee, gersi Nergal-Sarexer deqsita numuy doolatat kaxxa arac lehiyya edde yen.

Yacedkel 23:24

Too mari mango silac kee faras-gaariiraay, awurut beyan gaariira kee mango qaskarak foocat gacca 'yeenih, kilbat le kabuk amaatelon. Gob kee amot haan birta luk marot koo heelon. Anu kaadu ken gabal koo heeyyo. Too waqdi too mari, ken madqa elle inta'nnal, kol ackumelon.

Yacedkel 26:9

Gaso edde yaggilen gutqeenat magaalat maroh tan gasoosi aggilelon. Godmat amo xer qarway magaala akak dacrissaanahiyya siinik aggiggilelon.