Yacedkel 25:4 - NABUWWA KEE MALIKWA

⁴ Tahat ruffu inteenimih sabbatah, ayrô-mawqa le kabut raqta bacarih tan baaxok yemeete mari baaxo siinik akah yabbixe innah, siinik abeyyo. Too mari isinni duyye luk amaateleeh; dabaaqah sin baaxol nookelon. Isin akme rarten caxâ-miri kenim akkeleeh; isin nake rarten can, sin baaxol, oson nakelon.

Yacedkel 25:4 Referans Kwoze

Makaabon 6:33

Tohuk lakal Miidiyan kee Qamaalek kee ayrô-mawqa le kabu ten baaxol eneyya 'ya mari inkih tittal gaabowwa 'yeh, Ordon weeqaytuk gacca 'yeenih Yidraqel-Daqaral yinfiddigen.

Yasaqya 1:7

Elle sugtan baaxo siinik baateeh, magaalooli siinik cararteh. Isin abalih, marin mari tubqureenim baysaah, baaxo siinik abur aban.

1 Malikwa 4:30

Suleeman kulli numuk kasah aysuk yen. Ayrô-mawqat raaqa mara kee Masri mara tekkek, tikki 'ta ummattak inkih kasah aysuk yen. Etan deqsita numuy Qedra deqsita gulubuh yoobokehiyyak kasah aysuk yen. Macol deqsita numih xayloy migaaqah Heeman kee Kalkol kee Dardaq akak axcuk yeneenihiyyak kasah aysuk yen. Woo deraafil enna 'ta baaxooxal kas kee migaq-gexxo le malikik yen.

Yasaqya 65:22

Oson isinnih xisen qarwa sinam im keenik matakka. Isinnih yubquren darooy yuysubuken caxah xaylo sinam im keenik matakka. Sinam nagri keenik mahaa. Qumri keenik caxah innah, waareleeh keenik sugele. Anu faxeeh doore mari, edde taamitak suggu 'yem akmelon; adoobitelon; edde ruffa axcuk sugelon.

Yasaqya 41:2

«Qeebil yaysu waa num ayrô-mawqa le kabuk bahtem iyyaay? Isi taama aba'gidih, qadaalatat kaa bahtem iyyaay? Amoytit kee ummatak iisa kaa geysissem Yalla. Qeebil seefit ken selele. Caaco caffa duufut elle beyta'nnal, siisa ken abeleeh; gaysê-baxat ken selele.

2 Samuwel 12:26

Tohut yanin waqdi Yowab, Qammon-marak inaytâ-magaalah gaadut yeneeh, malik elle suge caafat teetik yibbixe.

Makaabon 8:10

Debac kee Xalmunna, Karkor deqsita aracal isinni qaskar lih yenen. Woo ayrô-mawqa le kabuk temeete qaskarak taban kee koona alfih num elle raqte. Bool kee labaatanni alfih qaskariiti rabeh.

Makaabon 7:12

Miidiyan kee Qamaalek kee ayrô-mawqa le kabu ten baaxol eneyya 'ya mari, woo daqaarih addal, mangah qanayti gide akkuk yeneeh; kulli'kkel cakakka 'yen. Baddi-afal qiddeyti mangah yakkeh gide yakke gaala luk yenen.

Yacedkel 25:10

Ayrô-mawqa le kabut raqta bacarih tan baaxoh mari, Mooyab kee Qammon marat qeebi abba heenih akah yaysen innah abeyyo. Toh akah abu waam, Qammon wadiriik doolatah raaqe wayta'gidi.