Yacedkel 23:40 - NABUWWA KEE MALIKWA

⁴⁰ «Allî-baaxok labha keenih baahaana'gidih, farmoh sinam ruuben. Woo maray farmo akah ruubeenihiyya keenih yemeeteh; too waqdi taaxige namma maqanxá kaqallaay intil kucul hayyaay qax-meqe bilat gacca 'te.

Yacedkel 23:40 Referans Kwoze

Ermiyaas 4:30

Yarusalaamey, baati koo tibbixek, sugay abtam macaay? Qax-meqe sartanat macah gacta? Dahabak bicsen bila xagarat bilqah macah hayta? Intil kucul macah isik hayta? Foyyah bilqitta'kkal, koo kicinuk suge mari kok cayyeh. A saaku koo qidaanam faxan.

2 Malikwa 9:30

Yaahu, Yidraqel magaala gufe. Idebal tekkem toobbeh teneeh; too waqdi intil kucul hayya hayteh amo kaadu bicisitta hayteh, malik qarih taagataak gititte fan wagitak sugte.

Yasaqya 57:9

Mango qatri kee saliid (zeyti) gabat hayya hayteenih, kaxxa malik fan safarten. Farmoh afat ruuben mara xer baaxo fan rubtaanaah; akeerah agantah ken rubtan.

Yacedkel 23:13

Oholiba adabik tu luk manannaay; isi maqanxak kaxxih, dalwa kee nadaasat baatem teetik uble.

Aster 2:12

Baxuw qaxa edde yamqen diwa-haytit inkih yan sanat suge. Too sanatak laca alsih gide coofaalik bicsen sukutit xagar keenik duugak sugen. Aki laca alsa kaadu, qatri kee arab xabbacoysaah qaxa yaymaaqe caxâ-sifat ken askatuk sugen. Tohuk gaba kalen saaku kulli baxuwwa midu-miduh malik fanah gexak ten.

Ruut 3:3

Too waqdi atu kaqalla 'xicaay qatri isil caxxaay meqe sarat gacca 'xic. Tokkek usuk too caffali daro kee caffa tittak elle baxsa ikke fan gex. Sarrak usuk makum kee maqubuk gaba kalla haam fan wokke temeetem isik maysaxxagin.

Hosiqa 2:13

Yoo hawwenna hayteh Baqal akak iyyan duyyeh qaydarus qeerisseh; bilqitta inteh mareytit lakat gexxe'mmay, toh teetit macabay, tet akah digaaleyyo. Tahat yabtam yoo YALLA» 'yaanam iyye.