Yacedkel 23:37 - NABUWWA KEE MALIKWA

³⁷ Ama namma kacbat biili yan. Dalwa lih abeenim, xeet kee cooxuk bicsen duyyeey; qiddeenim, yoh xalen xaylo. Yoh xalen lab-xaylo xeet kee cooxuk bicsen duyyeh bagul sadgatah qiden.

Yacedkel 23:37 Referans Kwoze

Yacedkel 16:36

«YALLAY Mulki lehiyya kok iyyaamah: Sara isik kalla hayteh, isi mareytit kee woo Yalli niqba xeet kee cooxuk bicsen duyyey taqbudehiyyah isi xagar teceeh; too xeet kee cooxuk bicsen duyyeh sadgatah isi xaylo qidde.

Yacedkel 20:26

Isinni xaylok naharsi-xaylo, umâ-yabulih xeet kee cooxuk bicsen duyyeh qibaadah arac sadgatah baahah ken abalih, yanoonay ken axcuk suge. Toh keenik akah abak sugem, abeenimik xagar keenik wacarriya'gidiiy ken Dagelta dibuk yoo kinnim yaaxigeeni'gidi.

Yacedkel 16:38

Abtah tan dalwa kee sahday qiddahiyya kok weeyyo. Abah an bagcarrah rabi digaalah koo digaaleyyo.

Ermiyaas 32:35

Baqal akak iyyan gabak bicsen duyyey yaqbudeenihiyyah, Hinnom-Golo deqsita aracal, sadgat elle aban arac xiseeniih; tokkel migaaqah Molok yalla akah iyyan duyyey yaqbudeenihiyyah sadgatah isinni xaylo yusguuden. Annah tanim anu keenik aba excem hinna. Annah tanim yi kasal way temeetem hinna. Yuudâ-mari annah taniimiy umâ-yabulih tanihiyyay dambi keenil takkehiyyat aseloonum makkalinniyo» 'yaanam iyye.

Ermiyaas 7:31

Isinni xaylok say-urru kee lab-urru sadgatah amol akak carrisaana'gidih, Hinnom Golo deqsitta goloh addal, Toofet deqsita arac bicsen. Aham anu amrisem hinna; yi afqado kaadu inkinnah oggoltam hinna.

Miika 3:10

Yarusalaam Yallih magaalaay; away tet elle xissaanam, qabal-cayxi kee qadaalat sinna.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Hosiqa 3:1

YALLI kaadu Hosiqak iyyeemih, «Gexay woo mareyta lih dalwa abta barra fan gexay, tet kicintom teetih waris. Anu Israayil mara uxih akah kiciyyo innah, atu tet takcinem kol tan. Israayil mari yalla akke sinni gabat bicsen duyyeh sadgatah qinab-xayloy kafseeni yeceen immay, tohuh, ken kiciyyoh» kaak iyye.

Hosiqa 1:2

YALLI naharak Hosiqal ruubem, Israayil marih giddinaamak ruube farmok ten. Iyyeemih, «Hosiqaw, gexay digib. Digibih abittu wayta barra, xiiqareh-xiinayto. Is xaltu wayta xaylo kaadu teetik kaxxih imaan maleela akkelon. Macaay intek, yi mari yot darre cabeeh, xeet kee cooxuk bicsen duyye yaqbuden» kaak iyye.

Yacedkel 23:45

Cakki gital yan mari a namma barra abta dalwa kee qidiyyah keenik malkitelon. Macaay inteenik, dalwa kulli way abaanaah; sahda qabalat gaba keenik tutlukeh tan» iyye.

Yacedkel 23:39

Xeet kee cooxuk bicsen duyyeh sadgatah yi xaylo qidda heenik sarra, yi qariy yoo elle yaqbudeenihiyya yemeeteeniih, nadaasa aben. Yi qaril toh aben.

Yacedkel 20:31

A saaku kinni way too duma sin abbobti akah abak sugga 'te innah, too bis le sadgat abtaanaah, keenik kaxxih isinni xaylo sadgatah girat carrissan. Tonnal isinni nabsi nadaasa abtan. Tannah tanim abba hayteenik sarra, wadir yi fayuh esseroh yol tamaaten. Waara YALLAY Mulki lehiyya kinniyooh inni migaaqal xiibita'mmay, tahak wadir tu yoo esseri sin maha.

Yacedkel 16:45

Nummah, atu isi inah baxá tekke. Ku ina isi xaylo kee baqala niqibuk ten. Ku maqanxiixiy kaadu isi baqolti kee xaylo niqbahiyyah bis lito. Ku ina Ciitâ barrak teneeh; ku abba Amoorâ numuk ten.

Yacedkel 16:32

Isi baqala cabba hayteh marin mara lih dalwa abta barrah caalatat gacte.

Ermiyaas 7:9

Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

2 Malikwa 21:6

Girat isi baxa sadgatah qide. Ramli-qidiyya kee sicri taamah haysiteeh; ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

2 Malikwa 17:17

Too duyyey yaqbudeenihiyyah isinni xaylok labim kee sayim girat sadgatah qidaanam baahen. Kalluwalle kee ramli qida maral fayu esseren. YALLIH garil dambik loowintaamat aseeniih, YALLAT naqabu ugsen.

2 Malikwa 23:10

Hinnom deqsitta goloh addal, yalla axcuk yaqbuden duyyeh qibaadah heen aracay Toofet deqsita foyya keenik abe. Toh keenik akah abem, too aracal duma Molok deqsitaamih sadgatah isinni xaylo girat qidak sugen. Toh elle abe waana'gidih, too arac foyya keenik abe.