29 Too mari koo niqbaamih sabbatah, atu edde taamitta 'teemiy isi cawalal geytehiyya kok beeloonuuh, foyyal koo cabelon. Xiiqareh xiinah innah, qasunuk koo cabelon.
Ken gabat koo heeyyooh, xeet kee cooxuk bicsen duyye elle aqbuduk sugte arooca kee, mareytáh koo elle luk sugen aroocay fayya le ikkel tanihiyya aggiggilelon. Xagarat lito sartan kee bila kok kalla heenih, qasunuk koo cabelon.
Qasunuk gubbil is hayteeh, xiiqareh xiina kinnim kulli mara isik tuybulle waqdi, tet maqanxak akah sakkite'nnah, anu teetik kaadu sakkiteh.
Tet geek lakal uma'nnah tet yinqibe. Duma kacanuh teetih assalluk suge'nna, naqabuh teetih yesselle. «Kat ugutay, buxak yok eweq» teetik iyye.
Inni gabaak xagaral liton sartan siinik kalla heeh, qasunuk sin cabeyyo. Qawratak sin qideyyo.
Yarusalaamey, ku addal yan marak garab, sahda qidsiisa'gidih diraabat yaaba. Marak garab kaadu xeet kee cooxuk bicsen duyyeh sadgatah qiden saqih cado yakmen. Marak garab dalwah abtot agxita.
Saafir deqsitta magaalah maraw, qasunuk gacca inxicaay qaybik isinni qidak, baaxok inkiliqa. Daanan magaalal yan mari elle yan magaalak mayawqa. Beet-Eedal magaalal yan mari booget yaniih, cato siinih mayakka.