Yacedkel 23:18 - NABUWWA KEE MALIKWA

¹⁸ Qasunuk gubbil is hayteeh, xiiqareh xiina kinnim kulli mara isik tuybulle waqdi, tet maqanxak akah sakkite'nnah, anu teetik kaadu sakkiteh.

Yacedkel 23:18 Referans Kwoze

Ermiyaas 12:8

Inni maray innih doorehiyya a saaku yi naqboytiitik maacisen. Garboh addat suge lubak yol yekkeeniih, tohuk gexxaamah yi naqabu yussukuqen.

Yacedkel 21:24

Hay, taway yoo YALLAY Mulki lehiyya siinik axceemih, ‹Abba hayten dambi siinik qaddooweh. Umeynit kinnitoonum sinam inkih siinik teexege. Abba haytan abtol dambileela kinnitoonum tamixxigeh. Tohuk gexxaamah cokmih xayyoowetton. Naqboytit gabal sin heeyyo.›

Ermiyaas 8:12

Yi mari abeh yan umâ-yabulih wacarriya mara hinnon. Dirigga akah m'iyyan. Wacarriy kinnim yaaxige mara hinnon. Tohih sabbatah qeebil gersi marat tekkem keenit akkele. Keenit abu waa digaalak maraaqan. Tahat yabtam yoo YALLA› 'yaanam keenik inxic» yok iyye.

Ermiyaas 6:8

Yarusalaam maraw, a saaku siinik excem, kas siinih takkay! Cinteenik, darre siinit cabeyyooh, magaala siinik abuuruy num elle ane waa abeyyo».

Zakariyya 11:8

Sidooca duweenay yoo niqba yeneeh; sarra ken faxe cineeh, inki alsih addat wokkek ken xiiriyeh.

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.

Qaamus 5:21

«YALLI iyyamaa, ‹Sanatal abtan qiid siinik inkinnah faxah maan. Diini migaaqal abtan modod yol sakkih yan.

Hosiqa 7:1

YALLI iyyeemih, «Israayil ummatay yi marah tani catam faxaah, maqaane keenih abam faxinnaan waqdi, aaminnaan taama kee gacca intaamat asah ken able. Titta ayrisan. Sahdâ-buxaaxi garqan. Sahda giti addal radan.

Hosiqa 2:2

«Yi xayloy, sin ina ahaysa yi barra hinnaay, anu tet baqala hinniyo'mmay, ama abtah tan dalwa kee caraamu maabina teetik inxicaay tet kallaca.

Yacedkel 16:36

«YALLAY Mulki lehiyya kok iyyaamah: Sara isik kalla hayteh, isi mareytit kee woo Yalli niqba xeet kee cooxuk bicsen duyyey taqbudehiyyah isi xagar teceeh; too xeet kee cooxuk bicsen duyyeh sadgatah isi xaylo qidde.

Ermiyaas 15:1

Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Yasaqya 3:9

Oson aban qadli-sinna keenit aamele. Sodom magaalah mari wacarriye'kal dambi akah abe innah, a mari kaadu wacarriye'kal dambi leemit asan. Woyyow keenit takku waytaama! Baati isinnih isinnil baahan.

Yasaqya 57:8

Yalla axcuk taqbuden duyyeh asta, qarik albaabih-bagu kee albaabih garil haytan. Yoo maaqilteenih. Sahdâ foocal, lakqo akah taceen agabu luk, qarkaytô-bagul xintan. Bica ken luk haysitteenih, ken gaba wagittan. Too qarkaytoh bagul dalwah abittok cayya intan.

Yacedkel 23:9

Tonna-leemiik, anu is kicinuk ten Assuuriyah marih gabal tet hee.

Yacedkel 23:10

Too mari xagarak saro teetik kalla heenih qasunuk tet caben. Say-xaylo kee lab-xaylo teetik seewah been. Tet seefit qiden. Agbi elle aninnaan ikkel, tet camit gace.

Yacedkel 23:19

Duma baxuwwah ten saaku Masril abak sugga 'te dalwa kassitak, dinah abtot bisoh gexxe.