Yacedkel 23:14 - NABUWWA KEE MALIKWA

^14-15 «Dalwat bisoh gexak gexxe. Baabelon qaskar abbobtih ceeloy gidaar bagul taswiirih yanihiyya tuble waqdi, kacni tet yibbixe. Too mari kaxxa qisi le sara kee booruy axcal isinnik malmaaleenihiyya kee qax-meqe qumaamat amot luk yenen.

Yacedkel 23:14 Referans Kwoze

Yacedkel 8:10

Adda culeh wagte waqdi, gidaarak bagul Israayil mari yaqbude duyyeh tasaawiriiy, caraamak tan alluwwa kee, kalah kaadu, garbah baaxok bagul gexxa alluwwah tasaawir uble.

Ermiyaas 22:14

«Dabqah elle gaca'gidih kaxxa qari xissiteyyo. Amol akak kaxxam naba roosan xiseyyo. Bagu naba taagoota edde heeyyo. Adda akak qaxmeqe luucaanay sariidak bicissa heeh, bagu akak qasa kalamat askuteyyo» iyya numow, kum tekkeh!

Yacedkel 16:29

Baabelon maray badaaqat abahiyyah mareytáh sugte. Sugteh immay, too mari kaadu koo macayisinna.›

Ermiyaas 50:2

«Xaagu ummatah inkih warisa: ‹Baabelon qeebit yibbixeenih› inxica. Tah elle yaaxigoonu waan asta uybulluya! Xaaguk tu macabinay ummatah warisa. ‹Baabelon-mari yallah leemiy Marduk migaq akah abaanahiyya luk sugte qande bayteh tan. Oson yallah loonum qaybit radde. Qibaadah bicsen tasaawiriy umâ-yabulih yanihiyyal qaybih tanim baahen› keenik inxica.

Yasaqya 46:1

Beel kee Naboy, Baabelon mari yalla axcuk yaqbudehiyya bokokteeh, raddeh tan. Ken ceelo a saaku quukah merrayti illel beyan. Merraytuy isih yeclehiyyal quuka yekken.

Yacedkel 23:13

Oholiba adabik tu luk manannaay; isi maqanxak kaxxih, dalwa kee nadaasat baatem teetik uble.

Yacedkel 23:23

Baabeloonuh yooboke mara kee Kaldayah yooboke maraay, Fakod kee Sowaq kee Kowaq yooboke mara kee Assuuriyah mara baaheyyo. Oson inkih, qax-maqaane le furraynay farasak qeebi abtahiyya. Baaxoh abbobti kee qaskar abbobtiiy, kaxxa-kaxxa abbootan le mara kee agiirah tan qaskar kinnon.

Naacum 2:3

Nanawê-magaalat qeebi abtu wayta qaskar qasa gob haysitteh, qasa sarat sartanah yanin. Oson amot akak yanin faaris-gaariira girah innah liliq inta. Qeebih macaxwa massoysan.