Yacedkel 22:12 - NABUWWA KEE MALIKWA

¹² Ku addal yan marak garab, lakqo akah ucuyya haan waqdi, qida iyyen mara qida. Marak garab abuuduh yeceeh yan lakqot gacsal ossotina faxa. Isinni cuggaaneh lakqo dulmih beyan. Ku mari yoo hawweeneh yan. Tahat yabtam, yoo YALLAY Mulki lehiyya› teetik inxic.

Yacedkel 22:12 Referans Kwoze

Yacedkel 23:35

Yoo YALLAY Mulki lehiyya kaadu axceemih, «Yoo hawwenteeh darre yot cabteemih sabbatah, ama litoh tan sammô-xagit kee abtah tan dalwak gexxaamah, biyak kol oobele» iyye.

Yacedkel 18:13

abuuduh yecee lakqo gacsan waqdi ossotina edde faxek, ta num maay waarelee? Mawaara. Ta axxul le uma taamat aseemih sabbatah rabele. Too rabi usuk isih isil baahe raba deqsita.

Yacedkel 18:8

Abuuduh kaak been lakqo kaah gacsan waqdi ossotina edde mafaxa. Baatilit maasa. Yoome mara qadaalatal mekla.

Ermiyaas 2:32

Sugay, qibna fillí-bila hawwentaa? Qad-qari-qibna teetih baahen bila cabba hayteh qad-qari orobtaa? Moorobtam kulli num yaaxige tiya. Yi maraw, isin hay loowo akak igmon ayroorah gide yoo hawwenten.

Ermiyaas 3:21

Ermiyaas iyyemii, «Allak qaleh amok xongolo yol radda. Too xongolo akak raddam, Israayil maray isi Dagelta hawweeneeh, dambi le taamat asehiyyak ten. Too mari aba weeqa kee, kallacih aban xongolo yol radda» iyye.

Yasaqya 56:11

Maaqok cayye sinni kuutah gide. A marih-loynitte kas maliiy tut maradda. Kulli num isit amqinnaanim keenik aba. Bukko kee guqulul adoobitan.

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

Nacmiya 5:7

tu akak exceeh abaamal malse. Saqolti kee abbobtih keenik yan marak abto ilqeeh, keenik exceemih, «Isin, abuuduh siinik been maaqo kee lakqoh aftoh, say xaylo kee qarwa kee baqurê-baaxo akak beytaanam, sin tooboko kinnim mataaxigaana innaa?» keenik exce. Sarrak ahak tuk teena akah abna'nnah, daffeyna keenih hee.

Nacmiya 5:1

Waqlak wadir lab mara kee ken agabuk mangom yakke mari, Yahuud maray ken toobokoh yanihiyyak wayto malkiten.

Yacedkel 36:12

Yi Israayilih ummatey, sin baaxo fanah sin gacseyyo. Tahaysa ta baaxo sin ikoyta akkeleeh, xaylo siinik rabi mahayta» iyye.

Yasaqya 17:10

Toh macah sabbatah akkeleemih inteenik, Yallay, kaxxa qale akah eleelitan innah aleelo siinih yakkeeh sin wadahiyya, hawwenteenih. Kaa cabba hayteenih, taahirik yan cooxu axcuk, isinni gabak coox tuysubukeenih, marin baaxok baahen coox tuysubuken.

Ermiyaas 6:13

Ken umaane ah teeti. Qunxa num kee kaxxa num keenik inkih dulmih lakqo sinaamak beyan. Nabuwwa kee seeka kinni way dirab kee deedalat sinam ayrisan.

Ermiyaas 9:1

«Yi ummattay tambaxem faxxahiyyah bar kee laqoh weeqa'gidih, moyya kee intiita yok ximo akak racta raceyna takkem faxe raare.

Qaamus 8:4

«Tonna-leemiik, isin masaakiina yadlumeeh, tu-maleela baaxok yayyaaqem faxa maraw, a yab oobbeya.

Qaamus 8:6

Caffa kee daro tittat esgella hayneh sinaamat xaamenno. Mago edde lino masaakiinay mago tagdiyu teffere woo magoh aftok ninni naqoosa abenno. Woo mago ibat lon kabeelih limo gide takkem kinni-way, ninni naqoosa ken abenno› 'yaanam intan.