Yacedkel 21:6 - NABUWWA KEE MALIKWA

⁶ «Tonna'mmay, Bani-adantow, sinam koo elle table'kkel, xiiroonuk rade numih innah gac. Kaxxam tu edde toome numih innah gac.

Yacedkel 21:6 Referans Kwoze

Yacedkel 6:11

YALLAY Mulki lehiyya yok iyyeemih, «Israayil marah gamoomitaay keenih qaad. Israayil mari abe umaaneh kaxxa boogeh boogis. Carbi kee qulul kee dalkah ambaxelon.

Yasaqya 22:4

Tohuk gexxaamah excemii, «Kaxxa weeqah weeqam faxak, wonnah yok gaca. Anay yoo 'xica; inni maray rabehiyyah weeqay yoo inxica. Weeqe yoo makalina» exce.

Cabakkuk 3:16

Tah oobbe way yi Dageltaw, axaxiteeh, kumkummateh. Sokaati yok axaxitteh; ibi yok kadiidimiteh; ariiqo yok axaxitteh. Nel umaane baaha mara, neh digaalla haytam fanah, asbireyyooh, qambaaleyyo.

Naacum 2:10

Nanawe buubeenih! Is baateh, abuuruh raqte! Sinaamak afqado meysih dub inta. Guluuba keenik axaxxah, sinam qande cabteh. Fooci keenik gombod ceela.

Daaniyel 8:27

Anu tohuk lakal dago ayroora boolaateeh, biyaakitak suge. Sarrak ugutta exceh, malik yoo edde hee taamah gexe. Takkay immay ta wacyik gexxaamah, cisabbootiyyat sugeeh; usuk elle yani'nnih adda cedu effereh.

Daaniyel 5:6

wariggiteeh; abeh yan wariggak gexxaamah fooci kaak burraaciteeh, guluuba kaak axaxxeh, yinnikisseh.

Yacedkel 37:20

«Tama namma caxxa gabat haay sinam tabalay inxic.

Yacedkel 21:12

Bani-adantow, weeqaay, boogis. A seef bical akah yanim, yi mara kee ken abbobti sela'gidiiy qida'gidi. Yi mara kee ken abbobtih qaagitaanam maraaqinnak, boogew inxic; woyyow inxic.

Yacedkel 9:4

«Ama Yarusalaam magaalak rike macabinay, adda akak tabba 'xicaay; addal teetik yakkeh yan umâ-yabulik gexxaamah, bagi keenik ankakammuk cisabboote marak qansak bagul asta hayis» iyye.

Yacedkel 4:12

Sahdah caara oskonoonocca haay, gira akak urusaay; too giral gaqambo bicisaay, woo gaqambo sahda koo elle table aracal akum» yok iyye.

Ermiyaas 30:6

‹Ah macah takkeemiiy?› inxicay esseray, kinnim cubbusa. Labhayti maay yaadiqeeh? Labhayti aadiqe week, hay, celeemah tan labha, lacawah iihissa barrah innah, bagul gaba akah lem macaa? Sahdak fooci inkih gombod akah ceelam macaa?

Ermiyaas 19:10

Qagseh yok iyyemii, «Too yaabak gaba kalta waqdi, tama ko'lih yan marak foocal ama buuti iggil.

Ermiyaas 4:19

Ermiyaas iyyemii, «Anu woyyow, kaxxam keenih biyaakitah an. Woyyow yi ulqow! Ulqi ah yok xiqah mayan! Qeebih yamaate mari aba tirtira kee baantah ugura yol raddah taniih; aham aabbih tibba axcem yoh takkeh matan.

Yasaqya 21:3

Taham acsube waqdi, xagar yok kaxxa biyaakah biyaakita. Lacawat tan barrah innah biyaakita. Aytik oobbeemik meysi yoo tibbixeeh; intih ubleemik cunxita.

Yasaqya 16:11

Tohuk gexxaamah, Mooyab kee Kiir-Ceras marah, bagi yok kaxxam qaadah.

Yacedkel 21:5

Yoo YALLI siibeh an seef ahaysa sibah gacse waam, kulli num yok aaxigele› iyya.

Yacedkel 21:7

‹Macaay akah gomomtaah tu edde toome num akah celtam?› kok iyyan waqdi, keenik intaamah, ‹Tu edde toome num akah ceelam, sarra yamaatu waa uma xaagih sabbata› keenik inxic. Woo xaagi yamaatu waa saaku, afqado keenik cunxoh dub axcele. Gaba keenik axaxitele. Niyâ xiglo ken abbixeleeh, gulub keenik kadiidimitele. Wakti xayyooweh yaniih xayuk akkele. Tahat yabtam yoo YALLAY Mulki lehiyya» iyye.

Yacedkel 32:18

«Bani-adantow, a axxul le Masri marah boogis. Keenik kalah yan mara lih ken hayya haay, akeera fan ken rub. Dite le kabri oobe marat yengeleeniih, woo boodo fanah oobelon.