Yacedkel 21:25 - NABUWWA KEE MALIKWA

²⁵ «Uma-taama kee nadaasat baye Israayil abbaw, ellecabol digaala kot edde takku wayta wakti xayyooweh.

Yacedkel 21:25 Referans Kwoze

Yacedkel 35:5

«Isin dumaak Israayil ummatah qaduwwih sugteeniih; Israayil ummat isih bahte dambih digaala keenil temeete saakuy kaxxa gadaamat sugeenihiyya, isinni le kabuuk ken qidaana'gidih absissen.

Yacedkel 21:29

Tableenim deedala wacyi. Akkele intaanam diraaba ikkal takkem hinna. Umeynit kinniton; uma taama sinimi. Ellecabo digaala siinit takkuh, kabba 'teh tan. Filla siinik edde yargiqoonu waan seef yan.

Yacedkel 17:19

YALLAY Mulki lehiyya kaadu iyyeemih, «Waara Dagelta kinniyooh inni migaaqal xiibita'mmay, yi migaaqal abeh yan Yalla-kee-xagana makeemih sabbatah, kaa digaaleyyo.

Ermiyaas 52:2

Malik Xidkiya, Malik Yahoyaakimik kaxxih, YALLAL dambi lem baahak yen.

2 Aydaad 36:13

Baabelon-abbay Nabkadnessar deqsita Xidkiya malik abe saaku, kay yab yaabbu waamih tiyal, Yallih migaaqal dirkih kaa xibsiiseh suge'mmay, Xidkiya kay yab moggolinna. Fiirik geerah YALLAY Israayil doore Dageltah yanit baaqid mahannaay; toobitta 'yeh kaal yaduureenim cineh.

Yacedkel 30:3

Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

Yacedkel 7:6

Sinim gaba kalteh; sin ellecabo xayyowteh; sin ikke tekkeh!

Ermiyaas 51:13

Weeqayti xaqul dabaaqah yaniih mango maalu kee duyye le Baabelon maraw, sin baati xayyowteh; edde rabtan wakti xayyooweh.

Ermiyaas 24:8

Takkay immay Yuudah yooboke Xidkiya deqsita malik kee, kay gubal tan xintoh abbobti kee, Yarusalaam magaalah maray garab akkel akak raaqeeh garab Masri fanah akak gexehiyyak axcem liyo. Too mara tama sublâ-xayloy toomehiyyah innah ken heeyyo. Tahat yabtam yoo YALLA.

Yacedkel 7:2

«Bani-adantow, yoo YALLAY Mulki lehiyya Israayil rasih giddinaamak iyyam ankacis: Ken ellecabo xayih! Inkih tan baaxoh baati edde takku wayta wakti xayyooweh yan» yok iyye.

Yacedkel 7:3

«Israayil ummatey, sin ellecabo xayih! Abba hayten umaaneh cokmi siinil abeyyooh; liyoh an naqabu yok abletton. Ama qax-umaane le abtoy edde assa 'teenihiyya siinit macaba.

Yacedkel 21:12

Bani-adantow, weeqaay, boogis. A seef bical akah yanim, yi mara kee ken abbobti sela'gidiiy qida'gidi. Yi mara kee ken abbobtih qaagitaanam maraaqinnak, boogew inxic; woyyow inxic.

Yacedkel 21:24

Hay, taway yoo YALLAY Mulki lehiyya siinik axceemih, ‹Abba hayten dambi siinik qaddooweh. Umeynit kinnitoonum sinam inkih siinik teexege. Abba haytan abtol dambileela kinnitoonum tamixxigeh. Tohuk gexxaamah cokmih xayyoowetton. Naqboytit gabal sin heeyyo.›

Ermiyaas 49:1

Qammon giddinaamak YALLI iyyem ah teeti. «Milkom deqsittam yaqbude maray Qammonuh yooboke, Israayilik Gaadah yooboke marih baaxo beyya heenih, ken magaaloolil isinnih akah gacaanam macaay? Israayil mari, is nagartu wayta xaylo maay waa?

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.

Yacedkel 25:5

Rabba deqsitta magaala gaali elle yaloole guubuh gacseyyooh; Qammon marih baaxo inkitanuuk illi elle yaloole guub abeyyo. Anu YALLA kinniyom too waqdi aaxigetton› keenik inxic» iyye.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.