Yacedkel 20:9 - NABUWWA KEE MALIKWA

⁹ Takkay immay addal akak sugen marih foocal, ‹Masrik amaanah sin ayyaaqeyyo› 'yaanamal xagana keenih culeh suge. Tonna-leemiik, inni migaaqih taagah inni naqabu keenil oobisaamak wadir eedeh.

Yacedkel 20:9 Referans Kwoze

Yacedkel 39:7

Yi migaaqay taahirik yani Israayil ummatay yi ummatah tanihiyyah addal akah yamixxige'nnah abeyyo. Tahak wadir ceele-waa migaq yoh abaanam maqansiisa. Tohuk wadir gersi baaxol yan mari inkih, anu Israayil rasul taahirik yan Dagelta kinniyom yok aaxigelon.

Yacedkel 20:22

Takkay immay, Israayil mara Masrik ayyaaqih yoo yuble mango baaxoh marih garil, inni migaq darraqoysam mafaxiyyooy; tohih sabbatah, ken baysaamak raaqeh.

Yacedkel 20:14

Takkay immay woo ken beyah yoo yuble marih foocal, Yalli ken bayseh 'yaanam innit cabam mafaxinniyo. Tonna-leemiik, inni migaaqih taagah inni naqabu keenil oobisaamak wadir eedeh.

1 Samuwel 12:22

YALLI isih, isi mara sin abuh sin dooreh, tohuk gexxaamah isi nabnah taagah sin macina.

1 Samuwel 4:8

Ta way ta celeemah tan yallittek iyyi nee catele? Kamba tu nee tibbixeh tan! Aham duma Masri mara woo bacarih tan baaxol selte yallitte hinnaa!

Yoosuwa 7:9

Kanqaan kee raqqa 'ye maray a baaxol yanihiyya inkih ta xaagu aabbeleeh; marot hayya nee heenih nakkeemiik nee qidelon. Isi migaaqih taagah yi Goytaw, tahak tuk teena ab» iyye.

Yoosuwa 2:10

Isin Masrik gexxen saaku Qasa Badak tabten waqdi, YALLI Qasa Bad siinik foocat elle kafise inna noobbeh. Amoorâ-malikih nammayay Ordon weeqaytuk ayrô-mawqa le kabut raqta baaxol yenehiyyay migaaqah Sicon kee Qoog deqsitak yenehiyya elle qidden inna kaadu noobbeh.

Yasaqya 48:11

Abem akah abem, inni migaaqih taaga. Macaay inteenik, yi migaq bayam abalih tibba 'ya Dagelta hinniyo. Yi nabna yiimi'kkal gersiimit tabta nabna hinna»