Yacedkel 20:47 - NABUWWA KEE MALIKWA

⁴⁷ Gabbi-qaxat raqta garbok, yoo YALLAY Mulki lehiyya inxicca axcem waris. Intaamah, ‹Gira ruubam faxa. Too gira ku addal enna 'ya coox, kafin coox yakkuu, uyni coox yakku, carrisele'mmay, num tet mabargusa. Gabbi-qaxaak xabba haanam baaxo carrisak kilbat le kabu fan amaatele. Too girah huuri num macaba.

Yacedkel 20:47 Referans Kwoze

Ermiyaas 21:14

Bahte umaaneh koo digaaleyyo. Malik qariy ku addal yanit gira ruubeyyo. Too gira kulli'kket gexeleeh, kullim gomboduh gacissa heele. Tahat yabtam yoo YALLA› 'yaanam yok iyye» iyye.

Yacedkel 17:24

Baaxol yan coox inkih YALLA kinniyom yok aaxigele. Xer caxa targiqeeh; ux caxa tayxeerem yoo. Anxaxinuk sugte caxa kafsaah; kafinuk sugte caxa anxaxxoosem yoo. Tahat yabtam yoo YALLA. Abeyyo excem aba Dagelta kinniyo» iyye.

Yacedkel 19:14

Caxak ludwak tewqe gira xaylo teetik selli hayte. Malik caxxa akak aben luud away mayan; maraaqinnon; 'yaanam axcuk yen. Nabi Yacedkel tama weeqay nadaamah yanihiyya yuktubeeh; kay mari mango waqdi abak yenen.

Yasaqya 66:24

Qagseh, «Yamaatoonu waan saaku, yi yab cine marih raysa ablelon. Ken xagar takme xaariya, rabta xaariya hinnaay; ken takme gira mabarugta. Ken raysi ableh uma innah gacele» iyye.

Yasaqya 30:33

Assuuriyah malikih raysi edde carara'gidih, kaxxa gira dumaak bical sugte. Ta arac, kaxxa adda leeh baar le araca. Mango boco sittin bagul akak heen araca. YALLI isi ufuy urta *danih innah habug iyyahiyya too bocot ruubele.

Yasaqya 13:8

Yakkeenimiik wariggiteloonuuh; biyak ken abbixele. Xalay edde xayyoowe barrah innah emreqeeqedelon. Wariggah mariiy mara keenik wagga heeleeh wacarriyih fooci keenik gombod ceelele.

Ermiyaas 17:27

Tonna'mmay yi yab oggoltaanam siinil taniih, sabti ayro taahirik tan ayro kinnim taaxigeenim siinil tan. Too ayro Yarusalaam magaalah afaak magaalah adda duyye merraytul culuse waytaanama. Sunkul culuse waytaanama. Takkay immay yi yab cinna hayteenih culussen sin tekkek, Yarusalaam akak culan afat gira ruubeyyo. Too gira malik qarit gexeleeh, sarra num tet mabargusa, siinik iyyah yan› keenik inxic» yok iyye.

Yacedkel 21:10

Kaa abak yenen arbaqiyyat sinam qidimih bical yan. Kaat abeenih yanin duugoh cankaxi innah liliq iyya. Yi marak maabina 'yeeniih digaalooli keenit tekkeeh; tohuh akah maaduurinnon. Ruffu 'yaanam gaba kalteh.

Yacedkel 21:32

Girat sin bayselon. Qabal siinik sin baaxoh addal caxitele. Wadiriik sin kassita mari maraaqa. Tahat yabtam yoo YALLA› » iyye.

Yacedkel 16:35

«Tonna'mmay Yarusalaam kacbay, YALLI kok iyyam oobbey.

Yacedkel 24:5

Gubal gira akak meqe'nnah urus. Lee nagay factay inxic. Lafof kee cado inkih meqe'nnah alaytay inxic› siinik iyya, keenik inxic.