Yacedkel 20:36 - NABUWWA KEE MALIKWA

³⁶ Masrik xaqul yan Siinah bacaril sin kaxxa abbobtil akah uckume innah, siinil ackumeyyo› 'yaanam iyye YALLAY Mulki lehiyya.

Yacedkel 20:36 Referans Kwoze

Yacedkel 20:21

«Takkay immay ken xaylo kaadu yi yab cinaanam bahte. Yi amri kee yi xintoy duuduse numuh waar teceehiyya cineenih. Sabti ayro nadaasa aben. Too saaku kaadu woo bacarih tan baaxol inni naqabu keenil oobiseh ken baysam faxe.

Yacedkel 20:13

Keenih tu gactek, bacarih tan baaxol sugen saaku kinni-way, anu aba keenik axcem cinak sugen. Yi amri kee yi xintoy duuduse marah waar teceehiyya cinak sugen. Sabti ayro xaguraanam inkinnah cineenih sugen. Tonna-leemiik too saaku yi naqbi le'nna ken aybulleem faxxa heeh, too bacarih tan baaxol elle ken baysam faxeh suge.

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Ermiyaas 2:9

«Tonna'mmay a saaku kaadu siinik waam liyo. Ta saaku sin kee sin xayloh xaylok malkitam liyo. Tah intam yoo YALLA.

Ermiyaas 25:31

Usuk aba xongolok radah yan qalê-berri baaxô-maggaraqal antaabbele. YALLI ummattak inkih malkitele; keenik waamah isih keenil ackumele. Uma-maral rabi cokmi abele. Tahat yabtam YALLA› 'yaanam keenik inxic.

Yacedkel 17:20

Sahdah admoh qidan oflo kaah qideyyooh, too oflot kaa abbixeyyo. Baabelon fan kaa beeyyooh, tokkel kaa digaaleyyo. Toh kaal akah baahu waam, imaan yol heeh masuginna.

Yacedkel 20:35

Gersi ummatta aalle wayta bacari fan sin baahu waa saaku, namma inti siinik abalih siinil ackumeyyo.

Qaamus 3:2

YALLI iyyaamah, ‹A addunyal enna 'ya marak inkih addak dooreeh dacrisam siini. Tonna-leemiik abba haytan dambih sin akah digaalu waam, toh kinnim ixiga› siinik iyya» keenik iyye.

Yacedkel 34:17

«Tonna'mmay yi illow, yoo YALLAY Mulki lehiyya siinik axceemih, kulli numul siinik ackumeyyo. Umam kee meqem tittak siinik baxseyyo. Illi kee wadar tittak baxseyyo.