Yacedkel 18:7 - NABUWWA KEE MALIKWA

⁷ Sahda maduquurusa. Marin cakki mabeya. Lakqo abuuduh sinaamah yecee waqdi damaanatah luk raaqa duyye, abuuduh been duyye kaah gacsan waqdi, beeh suge duyye gacsa. Satqita mara yaskameeh, qarrade mara sarsah.

Yacedkel 18:7 Referans Kwoze

Yacedkel 18:16

faxe num adlume weeh, faxe numih duyye buube weeh, abuuduh tu kaak le mari damaanatah kaal cabe duyye woo abuuduh been duyye kaah gacsan waqdi gacseeh, satqita mara yoskomeeh, qarrada mara sarseeh,

Yacedkel 18:12

masaakiina yudlumeeh, sahda buubeeh, abuuduh tu kaak bee num damaanatah kaal cabem gacse weeh, gabat bicsen duyyey Yalla 'yeenih yaqbudeenihiyyah qibaadah heen arooca gexeeh, duyye yuqbudeeh,

Yacedkel 33:15

Masalan, sahda abuuduh duyye kaak beyte saaku, damaanatah luk raaqe duyyey kaak been duyye kaah gacseenik sarra luk raaqehiyya gacse kaa tekkek, hinnay kaadu, garqoh sahdak bee duyye gacseeh, uma-taama cabba heeh mano akak geyu waa xinto kataate kaa tekkek, tonnal marabay; rabi cokmi kaal mayamaatay qumri kaak raagah.

Qaamus 3:10

YALLI iyyamaa, «Numma akak inxicca 'yaanamak, isinni yeyxeere mara kinnon. Marin im dulmi kee qandet beyaanaah isinnih haysitan. Edde yaddereenim, marin imi.

Qaamus 2:8

Yi qibaada elle aban aracal mago tagdiyu teffere masaakiinak damaanatah been sartanal xiinih gacan. Yooy ken Dagelta kinnihiyya elle yaqbuden qaril, mago edde lon marak magoh aftok meklah been kamriy qinabak bicseeni yaaquben.

Yacedkel 18:18

Kay abbah tu gactek, sahda duquurusakaay sahda buubak suge. Baatil abak sugeeh, tonna-leemiik isih baahe dambih isih rabele.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Xafanya 1:9

Yalla maleela taqbude duyyeeya keenik kaxxih yaqbude mara digaaleyyooh; too maray gita maliinot sahdak geyya haa duyyet isinni dageltih qari bilqisahiyya digaaleyyo» iyye.

Miika 3:2

meqem niqbaah, umam kicna mara tekken. Yi marak arab nuwwih tayyaaqeeniih, lafâ bagul tan cado keenik kaltan.

Miika 2:1

Miika kaadu iyyeemih, «Deerih gacca 'yeh umam acsubuk xiina maraw, woyyow siinit takku waytaamow! Toh abtoonu duddaanamih sabbatah, maaci maacisa waqdi, xayih bar acsubuk xinten umaanet assan.

Qaamus 6:3

Isin, ‹Ahaysa uma ayro matamaata; temeetek kaadu xayuk matamaata› 'yaanam intaanah, tohuk gexxaamah uma-taamat assan. Sin uma-taama woo ayro xayyoysele'mmay, siinit takku waytam abletton.

Yacedkel 7:23

«Baaxol titta qida mari yemeggeh; magaalal umaane aba mari caddo cabelek, silsilatwa bicis.

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Yasaqya 33:15

Cakkit taamitaah nummat yaabaah, bukko kee rado niqbaah, guqul bee waah, sinam qidim kee umaaneh abittol malisa marat angale waah, umam abittot yan marat angale waa num fayya le arac geya. Reebuh, num aleele waa boolot gacele. Yakme maaqo kee yaaqube lee mawaa.

Yasaqya 5:7

Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Yasaqya 1:17

Meqem abtaanam barita. Qadlih tanim aba. Sahda maskintut xukkutte kala. Qayxiixah cakki qayxiixah ixiga. Gubuunuh cato tika» siinik iyya iyye.

Qaamus 2:6

Qaamus kaadu qagissa heeh iyyemii, «Aham YALLI iyyaama. ‹Israayil mari fiiruk geerah dambi le taama abeenih; tohuk gexxaamah ken digaaleyyom digga le. Qellat sinni maray isi mago yagdiyu duude waahiyya sinaamal xaaman. Gersim hinna'mmay, magok yeceen kabel edde gacsan dudda alle wayta masaakiina, magoh aftok naqoosah haysitan.

Yacedkel 16:49

Tet kee tet xaylo ken dudda maaqo geyyaay amaanah gacca iyyen waqdi, kaxxa kaxxiina xagarat keenik gacte. Takkay immay masaakiina kee tu sinni marah cato abak masuginnon.

Daaniyel 4:27

Hay, tonnal malikow, ku maganak anu koh acee fayu oobbey. Dambi lem maabinaay gitah tanim ab. Umaane cabaay, xukkot yan marah xuwaw. Tonnal gaddaliino koo cabe waytam takkeh» kaak iyye.

Nacmiya 5:10

Away yoo kee yi kataysis kee yoh taamita marak ummattah daro kee lakqo abuuduh nacee'mmay, abuuduh keenih naceemik amot tu keenil essere waynay.