Yacedkel 18:31 - NABUWWA KEE MALIKWA

³¹ Edde tanin uma taamak uduuraay qusba niya kee afqado haysita. Maabinay yi gabat isinni maqidina.

Yacedkel 18:31 Referans Kwoze

Yacedkel 36:26

Qusba afqado kee qusba misinkaca siinit heeyyo. Xaak yan lubbi siinik kalla heeh, algin lubbi siinit heeyyo.

Yacedkel 11:19

Qusba niya siinit heeyyo. Qusba kas siinih aceeyyo. Xaak yan lubbi siinik kalla heeh, algin lubbi siinit heeyyo.

Yacedkel 33:11

‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Yacedkel 20:7

ama xeet kee cooxuk bicsen duyyey taqbudeenihiyya wonnah baaxot qida› keenik exceeh; ‹Sin Dagelta yook, Masri mari yalla axcuk yaqbude duyye maqbudinaay nadaasa isinni maabina› keenik exce.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Ermiyaas 32:39

Inkih, inkim edde aboonu waan kas keenit heeyyo. Toh macaay intek, isinni kee isinni xayloh taagah, kulli way dibuk yoo edde yaqbudoonu waan afqado keenit heeyyo.

Ermiyaas 21:8

Sarrak kaadu YALLI yok iyyeemih, «Ummatak intamaa, ‹Yoo YALLI raba kee manok yayse gita doorittaanam siinil caba.

Yasaqya 30:22

Dahab kee lakqo bagul akak hayten duyyey aqbuduk sugteenihiyya beyya hayteenih, guddaafa elle qidan gurrah baaxot qidettoonuuh, foocak nek kala 'yaanam axcetton.

2 Malikwa 17:13

YALLI, isi farmoytit kee nabuwwa, Israayil kee Yuudâ-marah ruubak suge. Too nabuwwa kee farmoytit, «Ummatey, maabitina. YALLI, ‹Yi amri oggola, yi kitaabay sin kaxxa abbobti dabaanaak obtehiyyay nabuwwâ-gabal siinih heehiyya intam aba› siinik iyya» axcuk sugte.

Yasaqya 31:6

Israayil maraw, YALLAL uduura. YALLAT darre cabteenih taniinik, YALLAL uduura.

Yasaqya 59:20

YALLI iyyaamah, «Dambik toobite marah kalalu kee cato yakke'gidih, wadeeni Siyon fan amaatele» iyya.

Ermiyaas 27:13

Is kee isi mara carbi kee qulul kee dalkat maselin. Baabelon-malikih yab cinu waa mara carbi kee qulul kee dalkat seleyyo, 'yaanam YALLI dumaak iyyek, is kee isi mara maselsiisin.

Yacedkel 43:9

Taway, too yok sa yaqbuden duyyey yallah loonuhiyyah aban qibaada kee isinni malikwah lafa, a aracak wonnah yok beyoonay. Tah abeenik, ken addal gaceyyooh, way keenik mabaxsima» iyye.

Ermiyaas 4:4

Yooy YALLA kinnihiyya lih liton xagana xagura. Yi qibaadak kalih imit maasina. Taham cinteenik, isin abten umaanek gexxaamah sin anneeqebbeyyo; anu abah an naqbi girah innah ureleeh habugga axcele. Too gira sarra bargusa num mageytima» 'yaanam siinik iyya.

Ermiyaas 44:4

Fiiruk geerah inni nabuwway yoo takdumehiyya ken fanah ruubeeh; too nabuwwa, Taham Yalli niqba taama'mmay maabina, 'yaanam axcuk keenih warisak sugte.