Yacedkel 17:7 - NABUWWA KEE MALIKWA

⁷ « ‹Tohuk kalah kaadu, kaxxa galwa kee mango xagor le qawiy masu nabahiyya temeete. Taaxige qinab caxay toobokehiyyah ramiida qusbih yemeete qawi fanah rubte. Ayyuufa kaadu woo qawi fan rubte. Toh akah abtem, a qawiy temeetehiyya mango leey duma elle tooboke aracal deedaltahiyya isih aceelem tekkele.

Yacedkel 17:7 Referans Kwoze

Yacedkel 31:4

A caxa racta leek tooboke. Too leeh sabbatah, woo caxah dariifal tan baaxo inkih allaggowte. Too lee dariifal enna 'ta garboh fan caxitte.

Yacedkel 17:15

Takkay immay Yuudâ-malik qeebi kaat abuh ugteeh, Masri malikih farmo ruube. ‹Mango qaskar kee faaris yoh rub› 'yaanam kaah ruube. Tonna'mmay yakkaleh ikkal elle yakkale'nnal, annah tanim aba num yasillimu maay duudaa? Yalla-kee-xagana make num maay yasillimee?» iyye.

2 Aydaad 26:13

Ta qaskarih abbobti amri elle luk ten qaskar mangah sidiica bool kee malcina alfi kee koona boolih qaskariita akkuk ten. Oson malik carbil catoonuh cayla leeh, qaskariino-baritto abe suge marak sugte.

2 Malikwa 24:20

YALLI, Israayil kee Yuudah ummat yinqibeeh, ellecabol isi garik ken xiiriyeh. Xidkiya Baabelon malikiy Nabkadnessar deqsitahiyyah gubat xiinaanam cineh.

Yacedkel 17:6

Taaxige dariyyi qinab caxa yekkeeh; kaxxam fayya maxcinnay, elle yani'kkel baxacah gexeeh, ambuk maacise. Ludwa akak, gubaak taaxige qawi elle tani'kke fan fayya 'te; ramiida akak baaxot addah gexxe. Mango ludwa kee ayyuufa bahte.

Yacedkel 17:8

Takkay immay dumaak elle toobokem, lee le aracay ayyuufi nagay teetih elle yaabukeeh, meqe xaylo xaltu elle dudda aracak tene, iyyen› keenik inxic» yok iyye.