Yacedkel 17:20 - NABUWWA KEE MALIKWA

²⁰ Sahdah admoh qidan oflo kaah qideyyooh, too oflot kaa abbixeyyo. Baabelon fan kaa beeyyooh, tokkel kaa digaaleyyo. Toh kaal akah baahu waam, imaan yol heeh masuginna.

Yacedkel 17:20 Referans Kwoze

Yacedkel 12:13

Anu too waqdi inni oflo qideyyooh, too oflot kaa abbixeyyo. Tokkeek Baabelon kaa beeloonuuh; tokkel elle yani'kke isik able'kal rabele.

Yacedkel 32:3

Mango rasih mari elle gaaboowe ikkel, inni sabakat xabba koo heeh, weeqayti afal giitak koo yayyaaqoonay axceyyo.

Ermiyaas 2:35

‹Umaane mabna; Yalli nee maniqba› 'yaanam intan. Abten dambi yengedde mara kinnitoonuuh; tohuk gexxaamah sin akah digaaleyyo.

Yacedkel 38:22

Toh lih kaadu dalka kee qabala tittak caxeloonuuh, tohul ken digaaleyyo. Kaa kee kay qaskar kee, wohuk kalah yan maray kay xaquk gacca 'yeh qeebih gulguluh yanihiyyal, kaxxa roobuy gira kee dani (xalol kibrik) agleh yanihiyya keenil ruubeyyo.

Miika 6:2

Qaleelaw, baaxo daffeynah elle tan rakiiboy waartahiyyay, YALLI a mari baaheemik edde yaabam oobbeya. YALLI isi marak wayto le. Israayil marak malkitele.

Hosiqa 7:12

Takkay immay kimbir innah oflo keenih qideh, too oflot ken abbixeyyo. Inki ikkel gaabooweenih aben yaabal, ken digaaleyyo.

Hosiqa 2:2

«Yi xayloy, sin ina ahaysa yi barra hinnaay, anu tet baqala hinniyo'mmay, ama abtah tan dalwa kee caraamu maabina teetik inxicaay tet kallaca.

Ermiyaas 50:44

Yalli qagseh iyyemii, «Ordon garboh addak garciik yewqe lubak lac elle gilisa'nnal, Baabelon-mara giliseyyo. Ken magaalak ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Ermiyaas 2:9

«Tonna'mmay a saaku kaadu siinik waam liyo. Ta saaku sin kee sin xayloh xaylok malkitam liyo. Tah intam yoo YALLA.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

2 Samuwel 18:9

Absalaam garciik Dawud marat matre waqdi, bakil amot sugeeh; woo bakil arduk kaxxa caxah guba kaa culusse. Too waqdi amo kaak woo caxak fallakka le aracat culte. Amot akak suge bakil isih kaak gexxeeh; usuk woo caxah fallakkat edde wanxexxeelak raaqe.

Ermiyaas 37:17

Ayrok teena Malik-Xidkiya isi buxa kaa baaha iyyeeh, tokkel dibuk tani'kkel, «YALLAK temeete farmoh maca tan?» kaak iyye. Ermiyaas kaak iyyeemih, «Farmo tanih. Koo Baabelon malikih gabal heelon» kaak iyye.

Yacedkel 15:8

Yol luk sugen imaan cabeeniih; tonna-leemiik baaxo keenik abur abeyyo. Tahat yabtam yoo YALLAY Mulki lehiyya» iyye.

Yacedkel 17:19

YALLAY Mulki lehiyya kaadu iyyeemih, «Waara Dagelta kinniyooh inni migaaqal xiibita'mmay, yi migaaqal abeh yan Yalla-kee-xagana makeemih sabbatah, kaa digaaleyyo.

Yacedkel 18:24

«Meqe num abak suge maqaane cabbaay, uma mari abak suge umaane kee taamat cule kaa tekkek, tonnal waaru waam maay takkalen? Waar hinna'mmay, woo duma abe maqaane kaak baata. Luk suge imaan cabak, yok yexxeereeh dambit aseemih sabbatah, rabele.

Ermiyaas 34:21

Tonnah kaadu Yuudak malikih yan Xidkiya kee kay gubal tan doolat abbobti, kaa niqba maray kaa qidam faxahiyyah gabal heeyyo. Baabelon malikih qaskaray awayih ibak qeebi keenik yeyseedem ceelahiyyah gabal ken heeyyo.