Yacedkel 17:15 - NABUWWA KEE MALIKWA

¹⁵ Takkay immay Yuudâ-malik qeebi kaat abuh ugteeh, Masri malikih farmo ruube. ‹Mango qaskar kee faaris yoh rub› 'yaanam kaah ruube. Tonna'mmay yakkaleh ikkal elle yakkale'nnal, annah tanim aba num yasillimu maay duudaa? Yalla-kee-xagana make num maay yasillimee?» iyye.

Yacedkel 17:15 Referans Kwoze

Yacedkel 17:7

« ‹Tohuk kalah kaadu, kaxxa galwa kee mango xagor le qawiy masu nabahiyya temeete. Taaxige qinab caxay toobokehiyyah ramiida qusbih yemeete qawi fanah rubte. Ayyuufa kaadu woo qawi fan rubte. Toh akah abtem, a qawiy temeetehiyya mango leey duma elle tooboke aracal deedaltahiyya isih aceelem tekkele.

Ermiyaas 52:3

Tohih sabbatah Yarusalaam kee Yuudâ maral YALLI naqbi oobeeh; ellecabol YALLI Yarusalaam kee Yuudâ rasih mara isi garik xiiriye. Sarrak Xidkiya Baabelon-malik lih wiileh.

Ermiyaas 38:18

Woh hinna'mmay atu gaba acee waytek, a magaala Baabelon-malikih gabal gacele. Too mari gira teetit ruubele. Atu kaadu elle taawwe kabu mageyta› 'yaanam kok iyye» kaak iyye.

Ermiyaas 34:3

Atu kaadu kay gabak mataftucaay matasillima. Tintixibbixek lakal, fooca kee foocah kaat angoorowettooh, isi afaak kaa'lih yaabetto. Tohuk lakal seewah Baabelon rasu fan koo beelon› kok iyyah yan, kaak inxic.

2 Aydaad 36:13

Baabelon-abbay Nabkadnessar deqsita Xidkiya malik abe saaku, kay yab yaabbu waamih tiyal, Yallih migaaqal dirkih kaa xibsiiseh suge'mmay, Xidkiya kay yab moggolinna. Fiirik geerah YALLAY Israayil doore Dageltah yanit baaqid mahannaay; toobitta 'yeh kaal yaduureenim cineh.

2 Malikwa 24:20

YALLI, Israayil kee Yuudah ummat yinqibeeh, ellecabol isi garik ken xiiriyeh. Xidkiya Baabelon malikiy Nabkadnessar deqsitahiyyah gubat xiinaanam cineh.

Yacedkel 17:18

Abe xiiba kee Yalla-kee-xaganay heehiyya makeemih sabbatah, rike asillimi kaa mahaanay kaa qidelon» iyye.

Yacedkel 17:9

«Keenik intaamah, ‹YALLAY Mulki lehiyya siinik iyyaamah: A qinab rabe waah, dadalam maay duudaa? Naharal suge qawi ragidiik kaa masiiba'nnaa? Tooboke caxak xaylo maluuqusa'nnaa? Ludwa akak mayaggiggilaay ayyuufa akak makafsa'nnaa? A caxa ragidik siiba'gidih mango qandeh faxxintam maliiy, mango marah faxxintam mali.

Ermiyaas 38:23

Kaadu qagseh kaak iyyeemih, «Gennaaqot lito agabu kee xaylo Baabelon marih gabal kok heelon. Atu kaadu elle taawwe kabu mageytaay, Baabelon-malik seewah koo beele. A magaalat gira ruubelon» kaak iyye.

Yacedkel 21:25

«Uma-taama kee nadaasat baye Israayil abbaw, ellecabol digaala kot edde takku wayta wakti xayyooweh.

Ermiyaas 32:4

‹Too saaku koo kaadu too malikih gabal heeyyooh tassillimem faxxaamah koh mabicta› kok iyye. ‹Baabelon maliki lih fooca kee foocah yaabettooh, isi namma intih kaa abletto.

Yacedkel 23:20

Tokkel yan maray labna danan labnah gid akak takkeeh, sahwatak faras sahwatih gide akak tawqehiyyah kacani tet yibbixe.

Yacedkel 29:7

Rakuh siinil gacen waqdi tiddigilleenih, xabqe keenik biyakteeniih, xiiron keenik tiggilen.

Yacedkel 29:16

Israayil tohuk wadir ken catol kibaal haanamak raaqele. Israayil, Masrik ellecabo tabalu wayta saaku, Masril hayteh sugte kibaal qellat kinnim isik aaxigele. Israayil mari YALLAY Mulki lehiyya kinniyom, too saaku yok aaxigele» iyye.

Yoosuwa 9:20

Too Yalla kee xaganih sabbatah, yanoonay ken innam nel tan. Yanoonay ken axce waynek, Yalli akah nee digaalele.

Yasaqya 36:5

Kaxxa-yab, carbi-mala kee qaskariinô-dudda koh akkelem maay takkaleeh? Assuuriyat qeebi abtuh amo elle meqitom iyyaay?

Yacedkel 21:28

«Bani-adantow, takku waytaamat yab. Ama Israayil mara xaafa Qammon marak, yoo YALLAY Mulki lehiyya axcem, keenih waris. ‹Baysa seef bical yan! Qiduuy cankaxi innah bixiq iyyuh, kaa duugeenih yanin.