Yacedkel 16:43 - NABUWWA KEE MALIKWA

⁴³ Qunxuk ten saaku koo elle abbaxuk suge inna hawwenteh. Abteh tan uma taamak gexxaamah, naqbi yot hee. Tonna-leemiik abba hayte umaaneh akah diggalsinta innah kok abe. Abba hayte uma-taama koo maxiqinnay, wadir dalwa edde osisse. Tahat yabtam yoo YALLAY Mulki lehiyya» iyye.

Yacedkel 16:43 Referans Kwoze

Yacedkel 16:22

A dalway edde tanihiyya, duma qunxuk ten saaku elle sugte'nna kassite koo kalteh. Qunxuk ten saakuy isi qabalat abrakuk sugtehiyya elle sugte'nna kase cinteh» iyye.

Yacedkel 22:31

Tonna-leemiik, abeh an bagcarra keenil oobiseyyo. Abba heen umaanek gexxaamah, inni balat ken bayseyyo. Tahat yabtem yoo YALLAY Mulki lehiyya» iyye.

Yacedkel 11:21

Takkay immay anu niqibyo duyyeh-qibaadah amok kate waa mara siinik digaaleyyo. Oson abba haan uma taamah ken digaaleyyo. Ahat yabtam yoo Mulki le YALLA› keenik inxic» yok iyye.

Yacedkel 6:9

Seewah ken been baaxol anelon. Too saaku yoo kassa heelon. Too waqdi ken akah digaaleeh qaybik ken akah qidem, ken kalbiy gano lehiyya ubleeh, yoo cabba heenih xeet kee coox yaqbudeenim keenik ubleemih sabbat kinnim aaxigelon. Isinnih aben umaane kee, qaybik taniimiy edde sugeenihiyyak gexxaamah, isinni nabsi anqibelon.

Yasaqya 63:10

Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

Qaamus 2:13

Tonna leemiik siinit aaqiteyyo. Yi digaalah, qari elle qilsa faras-gaari innah, araadaqisetton.

Yacedkel 9:10

Tonna-leemiik tahak wadir keenih maxuwaawa; keenih manacruura. Oson sinaamal baaheenim keenil baaheyyo» yok iyye.

Ermiyaas 2:32

Sugay, qibna fillí-bila hawwentaa? Qad-qari-qibna teetih baahen bila cabba hayteh qad-qari orobtaa? Moorobtam kulli num yaaxige tiya. Yi maraw, isin hay loowo akak igmon ayroorah gide yoo hawwenten.

Yacedkel 16:58

Abteh tan umâ-yabulik gexxaamah, celta digaalah diggalsimtam kol tan. Tahat yabtam yoo YALLA» iyye.

Yacedkel 17:19

YALLAY Mulki lehiyya kaadu iyyeemih, «Waara Dagelta kinniyooh inni migaaqal xiibita'mmay, yi migaaqal abeh yan Yalla-kee-xagana makeemih sabbatah, kaa digaaleyyo.

Daaniyel 9:13

Muusa baahe xintol warissa hayte digaalah nee digaalte. Takkay immay YALLAW, ni Dageltaw, nanu uxih nummâ gita katayakaay, edde sugne dambik uduurra 'neh, koo ruffa mahannino.

Daaniyel 9:14

YALLAW, ni Dageltaw, ni digaalah bical gacteeh, kulli way cakkik tanim abtaamih sabbatah, nee digaalteh. Nanu atu aba intem cinneh.