Yacedkel 16:19 - NABUWWA KEE MALIKWA

¹⁹ Adda meqe darooy zeyti kee malabay anu koh eceehiyya xeet kee cooxuk bicsen duyyeh sadgata axcuk tecee. Tah intam YALLAY Mulki lehiyya.

Yacedkel 16:19 Referans Kwoze

Yacedkel 16:13

Mango bilay dahab kee lakqok bicseenihiyya luk ten. Talbi-qaala kee cariirik bicsen sartanay mango dilwa lehiyya luk ten. Adda meqe darok aben gaqambooy, malab kee caxâ xaylok bicsen *zeyti ku maaqoh sugte. Qaxah wir axcuk teneeh; tohih sabbatah malikáh innah gacte.

Yacedkel 16:18

Woo anu koh ecee dilwa le sartan bahha hayteeh, woo lab numih ceeloh bagul hayte. Anu koh ecee caxâ xaylok bicsen *zeyti (saliid) woo ceeloh sadgatah teceeh; anu koh ecee qaydarus wokkel sadgatah rubte.

Ermiyaas 3:24

Duyyey naqbudehiyya qaybik sah neh xiqtam mali. Too qibaaday abnehiyyah sabbatah, ni kaxxa abbobti nagrah neh cabte midir nek yembexeh. Ninni xaylo wayneh. Ni kaxxa abbobti dumî-dabaanaak akah taqabba 'tem inkih wayneh.

Yacedkel 7:20

Duma yan saaku dahab kee lakqo kee luuluk mangom luk sugeenimih sabbatah, tohul kaxxam kaxxiinitak yeneeni'mmay, maca akak abeenih? Sarra woo duyyek yalla axcuk yaqbuden duyye bicsen; ableh-umam akak aben. Tohuk gexxaamah anu too duyye caraamu keenil abeyyo» 'yaanam iyye.