Yacedkel 16:17 - NABUWWA KEE MALIKWA

¹⁷ Anu koh ecee lakqo kee dahab beyya hayteeh, lab-numih-ceeloy yaqbudeenihiyya akak bicsissa hayteeh woo ceeloh mareyta tekke.

Yacedkel 16:17 Referans Kwoze

Hosiqa 10:1

«Israayil mari qinab caxay mango xaylo xaltah innal yeneeni'mmay, gaddaliino osak keenih elle ossaamal, yalla akke sinni duyyeh qibaada elle aban arooca xisen. Baaxo keenih allaggoowak allaggowteeh mango daro kee caxâ-miri aabakuk keenih elle yoobokeemil, xeetik bicsen qamidway yaqbudeenihiyyat aban bilqa lafitak laften.

Hosiqa 2:13

Yoo hawwenna hayteh Baqal akak iyyan duyyeh qaydarus qeerisseh; bilqitta inteh mareytit lakat gexxe'mmay, toh teetit macabay, tet akah digaaleyyo. Tahat yabtam yoo YALLA» 'yaanam iyye.

Yacedkel 16:11

Qax-meqe bila koh heeh; gabat lakqo koh heeh, fillat dahab koh hee.

Ermiyaas 3:9

Too uma-taamay abaanahiyyat mawacarriyinnon. Xeet kee coox qibaadat gaceeniih baaxo caraamu aben.

Yacedkel 16:12

Sanat hayta dumam kee aytit hayta duyye kee amot hayta duyye koh baahe.

Yacedkel 16:13

Mango bilay dahab kee lakqok bicseenihiyya luk ten. Talbi-qaala kee cariirik bicsen sartanay mango dilwa lehiyya luk ten. Adda meqe darok aben gaqambooy, malab kee caxâ xaylok bicsen *zeyti ku maaqoh sugte. Qaxah wir axcuk teneeh; tohih sabbatah malikáh innah gacte.

Yacedkel 16:16

Isi sartanak tu takkem beyya hayteh, isi aroocay qibaada elle abtahiyyat bilqah hayte. Tokkel xiiqareh-xiinah innah, kulli num lih dalwa abte. Tannah tanim takkem faxxiimak mananna.

Yacedkel 16:18

Woo anu koh ecee dilwa le sartan bahha hayteeh, woo lab numih ceeloh bagul hayte. Anu koh ecee caxâ xaylok bicsen *zeyti (saliid) woo ceeloh sadgatah teceeh; anu koh ecee qaydarus wokkel sadgatah rubte.