Yacedkel 16:10 - NABUWWA KEE MALIKWA

¹⁰ Dilwa le kamesiy qax-meqe kot heeh; xagar meqe addaytih kabel kot hee. Qax-meqe musaan amol haysitta'gidih, koh ecee. Cariirik bicsen sartanat koo hee.

Yacedkel 16:10 Referans Kwoze

Yacedkel 16:18

Woo anu koh ecee dilwa le sartan bahha hayteeh, woo lab numih ceeloh bagul hayte. Anu koh ecee caxâ xaylok bicsen *zeyti (saliid) woo ceeloh sadgatah teceeh; anu koh ecee qaydarus wokkel sadgatah rubte.

Yacedkel 16:13

Mango bilay dahab kee lakqok bicseenihiyya luk ten. Talbi-qaala kee cariirik bicsen sartanay mango dilwa lehiyya luk ten. Adda meqe darok aben gaqambooy, malab kee caxâ xaylok bicsen *zeyti ku maaqoh sugte. Qaxah wir axcuk teneeh; tohih sabbatah malikáh innah gacte.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Yacedkel 27:16

Suuriyah mari kaadu tellemmo ko'lih abak sugeeh; atu lito mango tellemmô-duyye kok xaamak sugen. Too duyyet milaaguh (libaakih), anxaxin unxux kee diimin saraay, dilwa le sara kee *baftak bicsen xagar meqe sarooy, baddi arul geytima uwway gacro deqsitahiyya kee, qasa unxux koh edde milaagak sugen.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Yacedkel 27:7

Ku markabih siraaqay dilwa le *baftak bicseenihiyya Masrik baaheeniih; simbil innah allaak yambulle. Markab amoh saroy Kobros gadiirik baaheenihiyya kuclinan kee diiminan bisu le.

Yacedkel 26:16

Baddi xaqul tan baaxooxah amoytitte dardaarinni koraasih baguk obba 'yeenih, xer-kameswa kee dilwa le sarak katta 'yeenih, baaxok bagul gacelon. Siinit tekkem abaluk kaxxa cunxoh cunxitelon. Xagar keenik axaxoh mayaada.

Yacedkel 16:7

Yaysubuken caxah innah, meqe'nnal koo qarise. Dadalteeh tembeeh kaxxa qax-maqaane bahte. Kaqooni kot keenah innah gace. Qummi-xagor kok yoobokeh yen. Takkay immay qasunuk teneeh; xagaral saro luk manannito.