Yacedkel 15:8 - NABUWWA KEE MALIKWA

⁸ Yol luk sugen imaan cabeeniih; tonna-leemiik baaxo keenik abur abeyyo. Tahat yabtam yoo YALLAY Mulki lehiyya» iyye.

Yacedkel 15:8 Referans Kwoze

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Xafanya 1:18

Too ayro bagcarriteyyo'mmay, yi bagcarrak oson lon dahab kee lakqo ken mawadda. Inkih tan baaxo yi naqabuh obtu wayta girat cararele. Anu num cabe'kal, garciik addunya bayseyyo» 'yaanam iyye.

Yacedkel 33:29

Oson aben dambih, ken digaalu waah baaxo keenik bacari abu waa saaku, YALLA kinniyom yok aaxigelon› » iyye.

Yacedkel 17:20

Sahdah admoh qidan oflo kaah qideyyooh, too oflot kaa abbixeyyo. Baabelon fan kaa beeyyooh, tokkel kaa digaaleyyo. Toh kaal akah baahu waam, imaan yol heeh masuginna.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Yacedkel 16:1

YALLIH qangara kaadu yol obteeh; yok iyyeemih:

Yacedkel 39:26

Anu taahirik yan Dagelta kinniyom sahda aybulle'gidih, inni mara naqboytit lih elle yanin aracak ayyaaqeyyo. Ahak sarra isinni baaxoy num ken elle meysiise waahiyya uduurra 'yeenih amaanah xiinoonu waan saaku, duma yok yexxeereenim kassa haan waqdi wacarriyelon.