Yacedkel 15:6 - NABUWWA KEE MALIKWA

⁶ Tonna'mmay taway YALLAY Mulki lehiyya iyyaamah, «Too saaroytay garboh addak irgiqqa heenih girat qideeni elle carara'nnal, Yarusalaam ummatta too bis le digaalah, ken digaaleyyo.

Yacedkel 15:6 Referans Kwoze

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.

Yacedkel 15:2

«Bani-adantow, saaru kee caxa inkim tekke saaku mali. Saaroyti caxat missoysaanam bictam kinnii?

Ermiyaas 25:18

Naharak, Yarusalaam kee Yuudâ-magaaloolil suggu 'ye mara kee, ken malikwa kee makaabon inkih too kobbaayat taniimik efqe. Toh akah abem, a saaku akah yanin innal, a magaalooliy oson elle sugeenihiyya num sinniih lac sinni abur takke'gidiiy; keenit tekkem yubleeh yoobbe mari, ‹Woo marat tekkem siinit takkay› axcuk sinam titta abaarinnaan waqdi, kulli way ceelalloh haan mara yakkeeni'gidi. Tonnah kaadu sinam buruttaah ilaqta mara yakkeeni'gidik ten.

Ermiyaas 21:7

Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Yacedkel 15:4

Kafta waqdi girah urse weenik, tohoysa xiqtam mali. Hay girat qidan waqdi, buxux akak yonkommeeh, gude akak raqte saaroyti xiqtam maay le?

Yacedkel 15:5

Dumaak girat qide'kal, sahdah xiqtam luk masuginnaay; awayay girat qideenihiyya, xiqtam luk maraqta» yok iyye.

Yacedkel 15:7

Naharsi girak yisillimeenih immay, away gersi girat cararelon. Anu ken digaala saaku, YALLA kinniyom yok aaxigetton.

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.