Yacedkel 14:11 - NABUWWA KEE MALIKWA

¹¹ Toh akah abu waam, Israayil mari yok axxeere waa'gidiiy, dambik gexxaamah isinni nabsi nadaasa abe waana'gidi. Tahaysa oson yi mara akkeloonuuh; anu ken Dagelta akkeyyo. Tahat yabtam yoo YALLAY Mulki lehiyya» iyye.

Yacedkel 14:11 Referans Kwoze

Yacedkel 37:23

Tohuk wadir, anu niqibyo xeet kee cooxuk bicsen duyyeh qibaada kee, dambi abittot nadaasa isinni maaban. Yoo hawwenna heenih abak sugen dambik qafu keenih axceyyo. Ken taahirroyseyyooh; yi ummat akkeloonuuh, anu ken Dagelta akkeyyo.

Yacedkel 48:11

Ta aracay taahirik yanihiyya akah yacoonu waanam, sek-Saadukuk radde seeka. Ta mari, gersi Leewih yooboke mari akah abe'nnah, Israayil mara lih gacca 'yeenih uma-taamat maasinnoonuy; yol imaan heeniih too imaanal digga axcuk yi taamat gacen.

Yacedkel 44:10

YALLI yok iyyeemih, «Anu Leewih yooboke maray Israayil mara lih gacca 'yeh yoo cabba heeh xeet kee coox yaqbudehiyya digaaleyyo.

Yacedkel 44:15

«Takkay immay woo Leewih yooboke maray Saaduk deqsita numuk radehiyya Israayil ummat takkeemik yoo cinte saaku, Qibaadâ-Qaril yi taamat raaqeeniih, yi qibaada baguuk abak sugen. Tonna-kinnuk ta saaku, Qibaadâ-Qarih addal yok foocal xayta kee qabal sadgatah bahtu waytam ta mara. Tahat yabtam yoo YALLAY Mulki lehiyya.

Yacedkel 39:22

Israayil mari tohuk wadir YALLAY ken Dagelta kinniyom yok aaxaguk raaqele.

Ermiyaas 32:38

Tohuk lakal oson yi mara akkeloonuuh; anu kaadu ken Dagelta akkeyyo.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Yacedkel 37:27

Innih ken addal gaceyyo; innih ken Dagelta akkeyyooh, oson kaadu yi mara akkelon.

Ermiyaas 50:6

A saaku yi mari, duwah edde yan num gitak makot bee illiy maatah yani yekken. Illiy qaleela kee koomaamih amol loyna weeh meekitahiyya ceelan. Isi dabaaqak cerrite illi yekken.

Yasaqya 9:16

A ummatta miraacisa mari ken edde beyaanam, gita maliinooy; ken edde yabbixeenim, badambadisiyya.

Ermiyaas 23:15

Tohuk gexxaamah yoo YALLAY Nabaamak Nabahiyya Yarusalaamal yan maray nabuwwa kinnino iyyak axcemii: ‹Qeero le maaqo sin askameyyooh, summik tan leek sin afqeyyo. Sin umaanek gexxaamah diini maleela baaxol temeggeh. Sin umaanek gexxaamah Yallih meysi sinni mari baaxo kibeh› axce.

Ermiyaas 24:7

Anu yoo edde yaaxigen kas keenih aceeyyooh, tohuk wadir isinnih yoo aaxigelon. Yi mara akkeloonuuh, anu kaadu ken Dagelta akkeyyo. Macaay inteenik, oson tikka 'yaanamaak yol aduurelon.

Yacedkel 14:10

Woo nabi kee kaal fayuh yemeete mara inkih, inki digaalah digaaleyyo.

Yacedkel 14:12

YALLIH qangara yol obteeh; yok iyyeemih: