Yacedkel 13:19 - NABUWWA KEE MALIKWA

¹⁹ Inki gaba kibe wayta gabru deqsitta daro akke kee, hinnay kaadu, gaqamboytâ-rike geytaana'gidih, sahdak foocal qaybik yoo qiddan. Yi maray sin yab numma yakkaleenihiyyal dirab acayuk, rabi akah aguude waa mara qiddaanaah, rabi akah yaguude mara cabtaanah. Tonnal qaybik yoo qiddan› siinik iyya» iyye.

Yacedkel 13:19 Referans Kwoze

Miika 3:5

YALLI sinam duquurussa nabuwwah farmo ruube. Oson guquluh lakqo keenih yecee marak, ‹Tu sin maxagtaay, amaanah xiinettoonu› iyyaanaah; lakqo keenil kalita marak, ‹Carbi siinit akkele› iyyan.

Yacedkel 22:26

Seeka yi xinto intam mabtaay, taahirik tan qibaadah caagid elle aban arooca maxaguran. Caraamak tanim kee calaalak tanim ummatah mawarsan. Sabti ayro maxaguran. Tonna leemik Israayil mari yoo mayassakaxxan.

Yacedkel 20:39

YALLAY Mulki lehiyya kaadu iyyeemih, «Taway Israayil maraw, xeet kee cooxuk bicsen duyye taqbudeenim ableh ani'mmay, tamahat geytaanam ablettoonuk abbaasita. Tamahah, gexak teneeniik, yi amri duudusettoonuuh, xeet kee cooxuk bicsen duyyeh abtan sadgootak aadetton. Yi migaaqay taahirik yanihiyya nadaasa mabtan.

Ermiyaas 23:17

Yoo buri intit yable marak, ‹YALLI, «Amaanah sin xiiniseyyo. Kullim siinil amqele» siinik iyye› iyyan. Yi yab aabbe waa maray isinnih faxam abahiyyak kaadu, ‹Umaaneh siinit takku waytam mali› iyyan» iyye.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Malaaki 1:10

YALLAY Nabaamak Nabahiyya iyyeemih, «Yoh sadgat elle abtan aracal tu xiqe sinni gira urussaanamak, gira akah uruse waytan innah, qibaadah qarih afoofi siinik alfa num geenniyoy faxe raare. Isin abtaanam ruffu yoo mahaytaay; sin sadgat moggola.

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

1 Samuwel 9:7

Saawul, «Kaal genxa waqdi maca kaah aceenno? Olot luk sugne maaqo tembexeeh, Yallih numul foyyâ-gabah genxam mameqek, gabat tu maay lino?» iyye.

Yasaqya 56:11

Maaqok cayye sinni kuutah gide. A marih-loynitte kas maliiy tut maradda. Kulli num isit amqinnaanim keenik aba. Bukko kee guqulul adoobitan.

Yacedkel 13:20

Away uxih YALLAY Mulki lehiyya iyyaamah: «Sahda raba kee mano isinni gabah gacissaana'gidih, carayat haytan sicri duyye niqibyoh an. Isin kimbir oflot akah qidan innal, too duyyet sinam tabbixen. Carayak siinik irgiq-irgiq heeh, baaxot siinik qideyyooh; inni mara sin gabak currih ayyaaqeyyo.

Yacedkel 22:25

Too baaxol tan abbobti, qiden saqih amol garadda lubookah bis lon. Ummatta uma qidimih qiden. Lakqo yellekiiy duyye yellek, keenit macabaanay keenik beyaanah. Oson sahdat aban qidimih, mango agbi gubuunuh raaqe.

Yasaqya 5:20

Meqeemik umaama iyyaah, umaamak meqeemi iyya maraw, woyyow, siinit takku waytaamow! Ditek ifu intaanaah, ifuk dite intan. Qeero leemik salfa le intaanaah, salfa leemik qeero le intan.

Yacedkel 22:27

Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.