Yacedkel 12:4 - NABUWWA KEE MALIKWA

⁴ Kulli num koo akah yable'nnah, laqo-ifaanih baaxo cabah seewah gexu waa numih innah, duyye bicsit. Bari yakke waqdi baaxo cabah seewah gexa numih innah, safarah bicaay; sahda koo akak table ikkek ugutay gex.

Yacedkel 12:4 Referans Kwoze

Ermiyaas 39:4

Xidkiya kee inkih tan kay qaskar magaala tibbixsimem yublen waqdi, magaalak barat edde yewqeenih gexen. Malik bustaan elle yen aracak gitah gaceeniih, magaala akak yawqen afah kabuuk namma gasok fan-fan gacca 'yeenih Ordon weeqaytu fanah haysiten.

Yacedkel 12:12

Abbah keenik yan num duyye sunkul hayya heeh yasillime'gidih, kaah heen boohak barat kudeh maacisele. Foocal gaba hayya heeh gexele. Gexa'kke isik mayabla.

2 Malikwa 25:4

Too waqdi magaalat maroh yan gidaar boohayseenih. Baabelon-mari magaala marot abbaxuk yene'mmay, tohuh, Yuudâ-malik kee qaskar inkih barat edde kudde. Kuden waqdi gitah malik buxah bustaan elle yen aracak namma gidaarak fan-fan gacca 'yeenih Ordon weeqaytu fan gexen.

Ermiyaas 52:7

Too waqdi Baabelon-qaskar magaalat maroh yan gidaar boohayseenih. Sarra inkih tan qaskar magaalak afah kudde. Baabelon mari magaala marot abbaxuk suge'mmay, tohuh, magaalah addal sugte qaskar magaala barat cabeeniih, malik bustaanih gariik namma gasok fan-fan gacca 'yeenih gexen. Tokkeek Ordon weeqaytu fan beya gita gacen.

Yacedkel 12:5

Sahda koo table waqdi, qarik gidaar boohassa haay; duyye gabat hayya haay too boohaak eweq.