Yacedkel 12:20 - NABUWWA KEE MALIKWA

²⁰ Away ummat kibuk elle tan magaalooli abur akkele. Inkih tan baaxo num sinniih lac sinni bacari akkele. YALLA kinniyom yok taaxigoonu waytaanam, too saaku, keenik inxic» yok iyye.

Yacedkel 12:20 Referans Kwoze

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Yasaqya 3:26

Magaala gasoosah afal yan mari rookiteleh weeqeleeh, oson elle sugen magaala, qasunuk heen barray baaxok bagul daffeytahiyyah bis aallele.

Daaniyel 9:17

Goytaw, ni Dageltaw, anu ku naqasuh anik, aba kallaci yok oobbey! Ku qariy yiddigillehiyya meqe intit wagit. Atu Yalla kinnitom kulli mari akah yaaxige'nnah, ku qari meqe intit wagit.

Yacedkel 15:8

Yol luk sugen imaan cabeeniih; tonna-leemiik baaxo keenik abur abeyyo. Tahat yabtam yoo YALLAY Mulki lehiyya» iyye.

Yacedkel 15:6

Tonna'mmay taway YALLAY Mulki lehiyya iyyaamah, «Too saaroytay garboh addak irgiqqa heenih girat qideeni elle carara'nnal, Yarusalaam ummatta too bis le digaalah, ken digaaleyyo.

Ermiyaas 19:11

Sarrak keenik intamaa, ‹YALLAY Nabaamak Nabahiyya siinik iyyamaa, A mara kee a magaala tama buuti elle yiddigille innal aggileyyo. Yiddigille buuti wadir bicsaanam mabictaay; tonnah kaadu ta mari sarrah sinam akah akke waan innah keenik abeyyom keenih waris. Rabe mara elle yaaguqen arac wayya heenih Toofet bagul aaguqelon.

Ermiyaas 16:9

Yoo YALLAY Nabaamak Nabah, Israayil doore Dagelta kinnihiyya ta maral baahu waam koh warisu waa. Kaxxa farcat kee asalay abak sugeenihiyya ken cabsiiseyyooh, digiibal farcih abak sugen qililo kee digir ken waysiiseyyo. Taham isin addunyal anih akah abletton.

Yasaqya 24:12

Magaala abuuruh raaqeleeh, akak culan afa bututtukkay riira tet abelon.

Yasaqya 24:3

Baaxo inki gexook bayele. Tet bagul yan marat kaxxa buuba akkele. Tahat yabtam YALLA. YALLI iyyem raq mali.

Ermiyaas 34:22

Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.

Yacedkel 5:14

Yarusalaam abuuruh cabeyyooh; dariifal siinik tan baaxoh ummat sin garik gitah gacteh gexxa waqdi, burah af siinil raqeeqiseloonuuh; siinil maxayyoowan.

Yacedkel 12:15

«Ummat addat ken ruubu waah, aaxige waan marih fanat ken fixixisu waa saaku, YALLA kinniyom yok aaxigelon.

Yacedkel 12:21

YALLIH qangara yol obteeh; yok iyyeemih:

Yacedkel 36:3

«Hay tonnal takku waytaamat yaabaay, keenik intaamah: YALLAY Mulki lehiyya iyyaamah, Israayilik cuggaaneh yan mari Israayil qaleela yibbixeeh ken buube saaku, ken gabal gacteenih; too mari sin bursuteeh anqaasah af siinil raqeeqise.