Yacedkel 1:28 - NABUWWA KEE MALIKWA

²⁸ Too ifuy urahiyya qaran-bagih calawwaytu bisu luk yeneeh; YALLIH nabna yaybulle ifuk ten. Toh eexege waqdi, gomboh baaxok bagul rade. Sarrak yabti xongolo yol radde.

Yacedkel 1:28 Referans Kwoze

Yacedkel 3:23

Too waqdi golo fan oobe. Tokkel duma Kabar deqsita weeqaytih garil an waqdi elle uble'nnal, YALLIH nabna yoh tumbulle. Too waqdi baaxol gomboh rade.

Daaniyel 8:17

Too waqdi Jibriil yemeeteh, xaqut yok soole. Anu too waqdi kaxxam wariggiteeh, baaxol gommoh rade. Jibriil too waqdi yok iyyeemih, «Atu cagal bani-adantu kinnito'mmay, ahamak maqna ixig. A soono edde yabtam, ellecabô-wakti» iyye.

Yacedkel 8:4

Tokkel kaadu duma Kabar deqsita weeqaytul an waqdi akah uble'nnah, Israayil doore Dageltih nabna yaybulle ifuy diifu le uble.

Yacedkel 44:4

Sarrak woo num kilbat le kabut raqta afaak beyya yoo heeh, Qibaadâ-Qarih fooca fanah yoo baahe. Wagga hee waqdi, YALLIH nabna yaybulle nooriy inkih yan Qibaadah-Qarik adda ifsahiyya uble. Too waqdi gomboh baaxok bagul rade.

Makaabon 13:20

woo malaykattu YALLAH qiden sadgat elle cararisan aracak habug inta girah addat qaran fan awaqih yublen. Too waqdi kaa kee kay barra baaxol afah radde.

Yacedkel 10:4

Tohuk lakal YALLIH nabna yaybulle ifuy kaxxa diifu lehiyya galwa leemik cabba heeh, Qibaadâ-Qarih culma fanah gexe. Qamburre inkih yan Qibaadah-Qari bulte. YALLIH nabna yaybulle ifuy diifu lehiyya Qibaadâ-Qarih daarat duuduse.

Yacedkel 43:2

Tokkeek Israayil doore Dageltih nabna yaybulle ifuy diifu le uble. Yallih anay baddi haffoh innah xongoleeh, Yallih ifuy diifu lehiyya baaxo inkih duude.