Yacedkel 1:27 - NABUWWA KEE MALIKWA

²⁷ Too numuy sahdayti gurral yanihiyyak, xonkok daga raaqa xagar girat laqlaqen nacaasih innah urak yen. Xonkook guba raaqa xagar kaadu, giray habug inta kaak ceelak yen. Kay xagarak yawqeh yan ifih diifi kaak dariifal urak yen.

Yacedkel 1:27 Referans Kwoze

Yacedkel 1:4

Amo iroh fayya hee waqdi, kaxxa caaco kilbat le kabuk amaatih uble. Kaxxa qamburreh addat cankaxay bixiq iyya uble. Cankaxi bixiq elle iyya'kkel, nacaas innah tanim ifah uble.

Yacedkel 8:2

Annah wagga hee waqdi, girah innah urtaamay sahdayti ceelo lehiyya uble. Xonkook addah yan xagar kaak gira ceelak yeneeh; xonkook daga raaqa xagar, dugga heenih yisiffiyen nacaas innah, liliq axcuk yen.

1 Aydaad 16:27

YALLI nabna leeh, misliino luk yan. Kay aracal tanim, qandeey farci.

Cabakkuk 3:4

Tonnal yamaate waqdiina cankaxi innah ifak yanih. Noori Yallih gabak yawqe. Isi qande qellut tanim, too gabay noori akak yawqe.