Xafanya 3:9 - NABUWWA KEE MALIKWA

⁹ «Tohuk wadir baadal tan ummatak afkan korseyyo. Deedaltaamay yalla axcuk yaqbudeenihiyya cabba heenih yol aduureloonuuh, yoo dibuk aqbudelon. Dooqa aban way, ‹YALLAW› axcuk yoo kallacelon. Tikka 'yaanamaak yi amri oggolelon.

Xafanya 3:9 Referans Kwoze

Yasaqya 19:18

Too ayro, Masri addal tan koona magaalah addal Qibraan afat yaabelon. Wokkel yan mari Nabaamak-Naba-YALLIH migaaqal xiibitelon. Woo magaaloolik tiyak teena migaaqah «Baatî-magaala» deqsitele.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.

Cabakkuk 2:14

Bad kibuk akah yan innah, baaxol yan mara kaadu YALLIH nabnah ixxiga duudele.

Zakariyya 14:9

Tohuk lakal YALLI, inkih yan baadal malikih anuk, baaxo xiinisele. YALLAK sah yaqbudeenim ane waytam kulli num aaxigele. Kaak sah tu mayaqbudan.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Yacedkel 37:17

Sarrak too namma caxxi ku gabah addat, inki caxxa akah ceela'nnah, sanah tittat xakbis.

Yasaqya 6:7

Too waqdi woo urta xibcintot sokto yok xagga heeh, iyyeemih, «Taway taham sokto kok xagteeh; tahak wadir edde sugte umaane kok katteeh; abte dambik qafu geyteh» yok iyye.