Xafanya 3:2 - NABUWWA KEE MALIKWA

² Yarusalaam magaalah mari YALLIH yab cineeh, YALLI keenik akah xiina iyye meqe manoh xiinaanam cineenih. Imaan YALLAL hoonu cineeniih; kaal cato essera mara makkinnon.

Xafanya 3:2 Referans Kwoze

Ermiyaas 22:21

Gaddaleelah sugten saaku, anu sin lih yaabeh immay, ‹Ku yab mankacisna› inteenih yoo cinteenih. Qunxaaneey takke yi yab oggolten saaku manton.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 32:33

Anu kulli way meqem aba keenik axcuk suge'mmay, tohuh darre yot cabak sugen. Yi yab yaabboonu cineeniih, adabih gacoonu cineenih.

Ermiyaas 2:30

Duma sin mara digaaleh immay too digaalat maaduurinnon. Umaanek sin gacsam faxeh immay taduuroonu cinteenih. Sin fan ruube nabuwwal, qansaritta lubooka tekkeeniih seefit sella ken hayten.

Yasaqya 43:22

YALLI kaadu iyyemii: «Israayil maraw, abtan kallaci kee dooqa, akah abtaanam yoo hinna; yoh isinni taqbisak masuginniton.

Yasaqya 29:13

Yalli iyyamaa, «A mari afak yoo yaynabem ceela'mmay, afqado keenik yoo matassanabba. Oson yot aban qibaada yi garil hebeltô-maqna mali. Diinih loonum, sahda teyyeeqe madqa kee abuk-raqtih luk sugen qaada.

Nacmiya 9:26

«Tohuh, ku mari ku yab cineeh, koo cineh. Atu aba keenik inteemit darre caben. ‹Aham maabina, meqem hinnak› keenik inte nabuwwa qideenih. Too nabuwwa toh keenik akah intem, oson kol yaduureeni'gidi. Koo ceele sinni migaq koh aben.

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Ermiyaas 35:17

Tahaysa yoo YALLAAY, Nabaamak Naba Dageltay Israayil doore kinnuk, siinik axcemii, Yuuda kee Yarusalaam magaalah maraw, siinil ruubeyyo exce bala, akah exce'nnah, siinil ruubeyyo. Sin lih yaabeeh; aabbe cinteenih. Siinih seeceeh; maqal yok edde mahannitoonu'mmay, tahaysa bala siinik raq malim ixiga› 'yaanam keenik inxic» yok iyye.

Ermiyaas 35:13

«Gexay Yuuda kee Yarusalaam magaalah ummatak intaamah, YALLAY Nabaamak Nabah, Israayil doore Dagelta kinnihiyya, ‹Isin yi yab akah cintaanaah, aba siinik axcem akah abe waytaanam macaay? Kas way akah gee waytaanam macaay?

Yasaqya 31:1

Masri fan catoh gexa maraw, sin ikke tekkem ixiga. Isin cato Israayil doore Dageltay *kudduusuk yanil messertan; YALLAL kibaal mahaytaana'mmay, Masri-marih-fariisa kee, mango faras-gaariiray oson loonuhiyya kee, ken maray faras-amok-qeebi-abahiyyal kibaal haan.

Yasaqya 1:5

Yalli faxe waamak macah aade waytan? Uxih digaalak macayyinnitoonuu? Moyya siinik uxih bakaq leeh; afqado kee misinkaca ahaydumah siinik muurinna.

Ermiyaas 13:25

‹Sin ellecabo tamaha› siinik axce. Yoo cinteenih, gabak bicsen duyyel teemeneeniih; tohuk gexxaamah anu siinih malsem tamaha. Tah intam yoo YALLA.

Yacedkel 22:24

«Bani-adantow, Yuudâ-baaxok intaamah: ‹Yi naqabih sabbatah, atu taahirik ane wayta baaxoy rob elle rade waahiyya tekke› inxic.

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Xafanya 1:6

Yot darre cabaah, yi gita kataate waa mara bayseyyo. Too mari yot baaqid sinni maray catoh yol kibalsite waahiyya kinnon» iyye.