Xafanya 1:6 - NABUWWA KEE MALIKWA

⁶ Yot darre cabaah, yi gita kataate waa mara bayseyyo. Too mari yot baaqid sinni maray catoh yol kibalsite waahiyya kinnon» iyye.

Xafanya 1:6 Referans Kwoze

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Ermiyaas 3:10

Toh abak suggu 'yeenik lakal, Yuudâ-mari yol yaduurem ceele'mmay, woh nummâ-madaarak masuginna. Tah intam yoo YALLA› 'yaanam siinik iyye» keenik iyye.

Yasaqya 9:13

Yallih-marah tu gactek, dambik matoobitinna. YALLAY Nabaamak Nabahiyya ken digaaleh immay, tohuh kaal maaduurinnon.

Yacedkel 3:20

«Yalli kicna taamah abittot suge num, fanaak uma-taama abam baahe kaa tekkeeh, anu kaadu umam kaal bahha heeh, a numuk, ‹Maabinay uduur› 'yaanam axce waytek, isi qamalah rabeleeh; duma abba hee maqaane kaah maloowinta. Tonna-leemiik too numih raba kok weeyyo.

1 Samuwel 15:11

«Saawul malikih heemih away nadaamitah an. Yoo cineeh yi yab cineh» kaak iyye. Toh Samuwelit kaxxam toomeh, too waqdi inkih yan bar YALLA kallacak xiine.

Hosiqa 7:7

Abeenih yanin bagcarrah isinni abbobti qideenih. Isinni malikwak numuuy way keenik qideeni'mmay, num keenik cato yol messerinna» iyye.

Yasaqya 43:22

YALLI kaadu iyyemii: «Israayil maraw, abtan kallaci kee dooqa, akah abtaanam yoo hinna; yoh isinni taqbisak masuginniton.

Ermiyaas 10:25

Abta bagcarra koo aqbude waah koo cine maral gacis. Too mari neey ku mara kinnihiyya qideeh nee sele mara kinnon; baaxo nek abur aben» 'yaanam exce.

Hosiqa 7:10

Israayil maral, loonuh yanin kaxxiina sumaaqitta. Mangom keenit tekke'mmay, tohuh, yooy YALLAAY keenik kaadu Dagelta kinnihiyyal maaduurinnon.

Yoosuwa 23:12

Isinni Dageltal imaan hee wayteeniih woo sin addat raaqe marat tengeleenih keenik rihimteenik,

2 Samuwel 22:22

YALLI aba iyyem abe; kay yab maciniyyo; Yalla mamakiyyo.

2 Aydaad 15:13

Barak qunxa num takkay, idaltu takkay, say-num takkay, lab-num takkay, YALLAY Israayil doore Dagelta kinnihiyya aqbude waa numul rabi cokmi haanamal titta geen.

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Xafanya 3:2

Yarusalaam magaalah mari YALLIH yab cineeh, YALLI keenik akah xiina iyye meqe manoh xiinaanam cineenih. Imaan YALLAL hoonu cineeniih; kaal cato essera mara makkinnon.