Xafanya 1:15 - NABUWWA KEE MALIKWA

¹⁵ Too ayro Yalli bagcarritu waa ayrooy, ummat gadaama kee cisab yabbaxu waa ayro. Too ayro baaxo abur edde takku wayta ayrooy, finqi edde yabbaxu waa ayro. Too ayro baaxol data qamburreey gaanibiy kaxxa dite le radele.

Xafanya 1:15 Referans Kwoze

Ayyuqel 2:2

Too ayro baaxol data qamburreey gaanibiy kaxxa dite le radele. Casri sinni qanaytuy baaxol oobehiyyak gexxaamah, qaleeli amballayuk maraaqa. Tah duma akke wayteeh, sarra akke waytu waytam kinni.

Yasaqya 22:5

Macaay inteenik, YALLAY Dagelta kinnih Nabaamak Nabahiyya ayro le. Too ayro xayyowtem able. Too ayro, Sirri-Golol kaxxa-waxxaqto kee ib-itqaay ummat badit edde tan ayrooy; gasoosa taddigilleeh, qaleela fanah catoh deerisan.

Xafanya 2:2

YALLI bagcarritaah, kay naqbi siinil oobaamak dumal, edde tanin soxak uduuraay, caaco beyte caffa makkina.

Xafanya 1:18

Too ayro bagcarriteyyo'mmay, yi bagcarrak oson lon dahab kee lakqo ken mawadda. Inkih tan baaxo yi naqabuh obtu wayta girat cararele. Anu num cabe'kal, garciik addunya bayseyyo» 'yaanam iyye.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Ermiyaas 30:7

Kaxxam uma ayro amaatele. Too ayroh innah tan ayro way matamaata. Yaqkuubuk rade mari too ayro abam waagisele'mmay, tohuh rabak cattiimelon» iyye.

Yasaqya 8:22

baaxo fan addah wagga heelon. Too waqdi laqô-bar keenil radeleh; keenit takku wayta gadaama kee gibdaabina ablelon. Dite le aracay ableh umahiyyat gutuqak ken heelon.

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Yasaqya 13:9

YALLIH ayro amaatele. Toh, Yallih-naqabuy kaxxam gibdi edde yakku waa ayroy racmatta sinnihiyya. Dambi elli haa mari inkih bayeleeh, baad abuuruh raaqele.