Ruut 4:1 - NABUWWA KEE MALIKWA

¹ Booqas magaalah culmal daffeyna elle aban arac gexeeh, wokkel daffee. Too waqdi Alimelekik xayi ramadah yan numuy Booqas edde yaabeh sugehiyya wokke yemeete. Booqas kaa yuble waqdi, «Annah amey akkel daffey» kaak iyye. Too waqdi woo num yemeeteh wokkel daffee.

Ruut 4:1 Referans Kwoze

Ruut 3:12

Anu nummah xayi ramad kinniyoh immay, yok xayi numuy cigsi elle yamaatehiyya yan.

Qaamus 5:15

Umam inqibaay, meqem ikcina. Cokmi maroh addal, cokmi qadaalatat akah yakke'nnah aba. Tonnal YALLAY Nabaamak Naba Dagelta kinnihiyya Israayil ummatak baatik saaboh raaqe marah yamqem takkeh. Keenih racmatam takkeh.

Zakariyya 2:6

YALLI isi marak iyyaamah, «Duma anu kulli ikke fixixih sin ruubeh suge. Ahaysa Siyon-maray Baabeloonul yanihiyyaw, uguta! Baabelon rasu cabay tokkek kuda» iyye.

Yasaqya 55:1

YALLI iyyaamah, «Kee, bakar le maraw, lee akkel tanik, ama. Kee, lakqo sinni maraw, amay gaqambo gee liton; akuma. Amay, qinabak bicsen kamri kee can, limo sinnim gee liton; aquba.

Yoosuwa 20:4

A magaaloolik tiyak teena fanah num gabat akak rabe num megloh gexa waqdi, naharak, elle yamaate magaalak afal yan aracay cokmi aba mari elle yanihiyya fanah gexaama. Tokkel, magaalah abbobtih yan marah tikka 'tem warsaama. Toh kaak oobba haan waqdi, magaalah adda culay kaa iyyaanamaay, elle yaadayu waa arac kaah yeceenimi.

Ruut 3:18

Too waqdi Noqmi teetik inteemih, «Tahaysa taham elle takke inna nable fanah sabri abit. Booqas aham bicse'kal maxiinak» teetik inte.

2 Samuwel 15:2

Saaku-saaku dibroh ugutta 'yah, magaalak akak yawqen giti afal soolak suggu 'yah, wokke malikil cokmi goranah amaatinnaan marah seecak yen. «Mankek temeeteenih? Maa kedoh toobokeenih?» keenik axcuk yen. Woo mari akak yemeete'kke kaah warsa waqdi, «Tableeni labhay! Yab siinih iyyah yani'mmay, malik isi aftok hee maray yab siinih gitat abu waahiyya mayan» keenik axcuk yen.

2 Aydaad 18:9

A namma malikii, Samaariyah-magaalah-gasok-afal, darok caffa elle baxsan aracalaa, malik edde gaca sartanay ibak xibqi gufahiyya yeneeh, malik elle daffeya namma korsil elle daffeyan ikkel, a nabuwwa foocal keenik gacca 'teh, takku waytaamat ken lih yaabak sugen.

Ermiyaas 32:10

Sarrak limok titta elle geynem kee akah xaameh gide elle tan warkatal firma hee. Ta limo tekke waqdi ni fanal sumaaqah suge marih migaq kaadu warkatal nuktube. Sarrak ken foocal garaasa bahha heeh miizaanal lowwa heeh kaah ecee.