Ruut 2:14 - NABUWWA KEE MALIKWA

¹⁴ Qeerô-kaloh-waqla tekke waqdi, Booqas Ruutuk annah iyye. «Gaqambô-rike luk annah amaay a saalot kumus» teetik iyye. Is too waqdi amma inteh taamâ-mara lih daffeyteeh; sarrak Booqas alen alo teetih yecee. Too maaqok cayya 'tam fan tokmeeh, geera elle cabte.

Ruut 2:14 Referans Kwoze

Ruut 2:18

Tohuk lakal magaala fan tuduureeh, darok gaabosseh gide isi ballo tuybulle. Qeerô-kalok raaqe geera kaadu teetih tecee.

Yasaqya 58:7

Takmen maaqo qulula mara lih haysita. Qari sinni marah isinni qarih afa faka. Sartanah xagarat haam sinni marah sartan acuya; mare siinih le maral litoonum macinina.

Yasaqya 32:8

Saraf le num sarafat malsaah, saraf le taamah abittol digga 'ya; tonnal marada.

2 Samuwel 17:28

Too mari sacnitte kee kallak bicsen buutiiy, xiinih elle xiinan duyye kee maaqo Dawud kee Dawud marah baahen. Maaqok keenih baaheenim: kamadiiy gabru deqsitta darooy riyen darooy, alooy missiriiy fuuluuy malabaay lab-qittaay, hobbo kee illik ten. A mari, Dawud kee Dawud mara safarah akak yemeeteenim bakarroytah tan baaxo kinnuk, bakaraay qulul kee cawal luk yemeeteenim yeexegeenih.

1 Samuwel 25:18

Toh toobbe waqdi, Abiigal namma boolih gaqamboyta kee, namma saaray qinabak bicsen kamrik kibuk yaniiy, illik konooyuy tusguudeh solal alassehiyyaay, alok koona kafaqaay, kafsen qinab-xaylok bool gaqamboyta kee, sublâ-xayloy kafseenihiyyak namma boolih gaqamboyta sissikuk danoonal eerra hayteh,

1 Samuwel 17:17

Ayrok teena Yiisa Dawuduk iyyeemih, «Alen alok tabna kiilo takkem kee, a tabna gaqambo sissikuk beyay, ku toobokoy woo aracal tanihiyyah bey.

Ruut 2:13

Is too waqdi, «Yi qammow, yooy ku buxal taamita agbih gide kinni way akke waahiyya lih meqe yaabah yabteeh, ruffu yoo hayteeh, yoh temqeh» inte.

Ruut 2:15

Sarrak darô-mafaalah ugutte waqdi, Booqas taamâ-marak iyyeemih, «Tifiilen daroy axaw axawah tabbixeenihiyyah garik, faxxeh gide tafiilay tet inxicaay, woo axaw axawah tabbixen darok kaadu tu-tu siibay teetih eyyeeqay, bettay tet inxica. Num teetit yaabe waay» keenik iyye.