Qobadya 1:11 - NABUWWA KEE MALIKWA

¹¹ Naqboytit magaalak afa keenik iggillaay, saami caxxa tet addal sugga 'teemil qidak, too duyye weerra heeh keenik bee saaku, isin allak asseleelequk raqten. Naqboytit innal sugten.

Qobadya 1:11 Referans Kwoze

Naacum 3:10

Toh teetih xiqtem maliiy; ellecabol too magaalah mara seewah marin baaxo been. Tet xaylo xaal tafaqqa heenih, baaxot qiden. Teetil abbobtih suge mara silsilatat axuyya heenih beeniih, ken seewah bee mari saami caxxa keenil qide.

Ayyuqel 3:3

Yi maray seewah orbiseenihiyyal saami caxxa qiden. Lih xiinen xiiqareh xiina kee yooqoben kamrih, meklah, yi marih xaylok say urru kee lab urru racmatta sinnuk yeceen» iyye.

2 Malikwa 25:11

Tohuk gaba kale waqdi, Nabudardanay qaskar abbah yenehiyya magaalah addal raaqeh suge mara kee, gabâ-naggarinna luk yen mara kee, qeebi yekke way Baabelon qaxat gaceh suge Yuudah-mara inkih, Baabelon fan seewah bee.

Yacedkel 35:10

« ‹Yuuda kee Israayil baaxo yiimiiy; oson kaadu, ikoytah lino mara› inteenih; yooy YALLA kinnihiyya elle yen baaxo isinnih haysittaanam faxxen.

Qaamus 1:6

Kaadu qagissa heeh iyyemii, «Aham YALLI iyyaama. ‹Gaadâ-mari fiiruk geerah dambi le taama abeenih; tohuk gexxaamah ken digaaleyyom digga le. Inkih yan ayyunta seewah beenih, Edom maral naqoosah ken yeylemmen.

Qaamus 1:9

Kaadu qagissa heeh iyyemii, «Aham YALLI iyyaama. ‹Suur magaalal yan mari fiiruk geerah dambi le taama abeenih; tohuk gexxaamah ken digaaleyyom digga le. Israayil mara luk sugen qalla hawweeneenih; magaala kee magaala deraafil tan gaandoodil sugga iyye mara inkih, Edom marih naqoosah xaamiten.

Xafanya 2:10

Xafanya kaadu iyyeemih, «Mooyab kee Qammon mari elle bayu waam tama'nnaay; too baatih ken bayissam, ken kaxxiina kee YALLAY Nabaamak Nabahiyya doore ummatat aban bura kee xaafu.