Qedra 6:20 - NABUWWA KEE MALIKWA

²⁰ Too ayro seeka kee Leewih yooboke mari inkih taahirik gacca 'yeh ase. Leewih yooboke mari Elle-Tatriyyi-Qiidih, marin baaxok amma 'ye mara kee toobokoh keenik tan seeka kee isinni migaaqal, maraaqe sadgatah yusguuden.

Qedra 6:20 Referans Kwoze

2 Aydaad 35:11

Yesketten illi kee wadar yusguudeenik lakal, arab mayyuq Leewih mari abe. Seeka yusguuden saqih qabal, sadgat elle aban aracal rifte.

2 Aydaad 29:34

Mangah woo saq inkih tasguude seeka wokkel masuginnaay; tonna-leemiik Leewî mari woo saq inkih usgudda haanam fan kee gersi seeka taahirih gactam fan masgaadal seeka catak sugen. Leewî mari imaanak gexxaamah, seekak fula taahirik isinni abbaxuk sugen.

2 Aydaad 35:14

Tohuk gaba kalen waqdi, Leewih mari isinni kee Haaruunuk rade maray seekâ-nasab lehiyyah cado bicsen. Toh akah abeenim, seeka bari tikka 'yam fanah carrisan sadgat xayyoosak, xayta cararisak sugen.

2 Aydaad 35:15

Leewih marak Asaf gulubut raaqa maray Yallih fayla abahiyya dumaak Dawud kee Asaf kee Heeman kee Yedutun keenih heeh suge aracal gacen. Yedutun Malik Dawuduh Yallak temeete farmo baahak yen nabik ten. Qibaadâ-Qarih afal dacayrih mari isi arac macabinnay dacayrit elle yeedeeh; Elle-Tatriyyi-Qiidih taama Leewih mari ken aftok keenih abe.