Qedra 6:17 - NABUWWA KEE MALIKWA

¹⁷ Too ayro awurwak bool takkem qideeniih, illik namma boolih maruw kee, anaaqek kaadu affara bool sadgatah yusguuden. Tonnah kaadu wadarak taban kee namma dabeela dambi kalootuh yusguuden. Too taban kee namma dabeela taban kee nammay takke Israayil kedoh migaaqal dambi kalootuh sadgatah yusguuden.

Qedra 6:17 Referans Kwoze

Qedra 8:35

Allî-baaxok uduurra ye mari, Israayil doore Dageltih migaaqal cado akak cararisan saq sadgatah baahen. Sadgatah inkih tan Israayil ummattah migaaqal saqak baaheenim, taban kee namma awur kee marwak sagla-taban kee lica maruyuuy, anaaqek malcina-taban kee malcina anaqtuk ten. Too saq inkih yusguudeenih, cado akak cararisen. Tohuk kalah, isinni dambi kalootuh wadarak taban kee namma dabeela baahen.

2 Aydaad 7:5

Suleeman sadgatah laak labaatanna kee namma alfi yusguudeh. Illik bool kee labaatanni alfi yusguude. Israayil ummatta kee malik toh akah abeenim, a sadgat, Yallih Qibaadah-Qarih orba sadgat yakke'gidik ten.

1 Malikwa 18:31

gexxa 'yeh taban kee namma xaa baahe. Woo taban kee namma xaa, Israayil addal tan taban kee namma kedoy Yaqkuub xayloh migaaqal muggaaqiseenihiyyah ceelallok ten. Yaqkuub, YALLI Israayil-'yaanamih-migaq akah yeyyeeqe numuk ten.

1 Malikwa 8:62

Tohuk lakal Malik Suleeman kee wokkel suggu 'ye mari inkih YALLAH sadgat aben.

2 Aydaad 29:24

Too waqdi seeka woo wadar tusguudeh. Malik, «Cararisan sadgat kee dambi-kaloot-sadgat Israayil marah inkih aba» 'yaanam iyyeemih sabbatah, woo wadarih qabala woo sadgat elle aban aracal caxen.