Qedra 6:15 - NABUWWA KEE MALIKWA

¹⁵ Yallih Qibaadah-Qarih xisnek, Daryawes deqsita malik edde dardaare laceyhaytô sanatak Adar deqsita alsak sidochaytoh ayrot gaba kalen.

Qedra 6:15 Referans Kwoze

Aster 3:7

Malik Ekserkas edde reede taban kee nammeyhaytô-sanatak inikhaytoh alsay migaaqah Niisan deqsitahiyyah addat, woo-elle-malsem edde-abeh-meqe-ayro yaaxige'gidih, ramli qide. Too ramlik migaaqah ken afat Fuurim axcuk yenen. Sarrak Yahuud mara edde qiduh, ramlih sanatak taban kee nammayhaytoh alsay Adar deqsitahiyya tewqe.

Aster 9:21

Too waraakitil ken yiysixxigeemih, Adar alsak taban kee ferey kee taban kee konoyhaytoh ayrot kulli sanatal qiidih asa.

Aster 9:19

Tohuk gexxaamah tohuk wadir, Yahuuduh yooboke maray qunxa magaaloolil sugehiyya taban kee fereyhaytoh ayro africuk qiidih edde asaah; kulsa le maaqo tittah edde yecee ayro tekke.

Aster 9:17

Tah edde tekkem, Adar deqsita alsak taban kee sidochaytoh ayrok ten. Taban kee fereyhaytoh ayroy ciggiltahiyya qidimik yeedeenih. Too ayro farcatak gacca 'yeenih qiidih asen.

Aster 9:15

Adar deqsita alsak taban kee fereyhaytoh ayro Yahuud mari yakkeemiik gaabowwa 'yeh Suusâ magaalah addal kaadu sidooca boolih num qiden. Too saaku kaadu duyye keenik mabennon.

Aster 9:1

Adar deqsita alsak taban kee sidochaytoh ayroy duma Yahuuduh yooboke mara qida 'yaanamih amri edde yeceenihiyya toofeeh; Yahuud niqibuk suggu 'ye mari too alsat isinni gubat ken haanam faxak yenen. Takkay immay toh makkinnay, wohih aftok Yahuud-mari keenik yaysem tibbixe.

Aster 8:12

Ta amri Adar deqsita taban kee nammeyhaytoh alsak taban kee sidochaytoh ayroy duma Yahuud mara edde qida iyyeenihiyya abinat asay» 'yaanamak ten.

Aster 3:13

Kutbe-abeenit toh uktubba heenih gaba kalen waqdi, a farmoy yuktubeenihiyya gabat le mari, farmo-elle-tan-waraakit gabat luk, rakaakayitte fan arduk gexen. Too yuktuben farmoy too mari gabat beehiyyal tenemii, «Sanatak inikhaytoh alsay migaaqah Adar deqsitahiyyak taban kee sidochaytoh ayroh addat Yahuuduh ubukka 'ye marak furrayna takkuu, baxuw takkuu, idoola takkuu, agabu takkuu, urru takku num keenik macabinay yakkeenimiik ken qida» 'yaanam elle ten. «Oson edderra heenim keenik buuba» 'yaanam kaadu elle ten.

1 Malikwa 8:63

Amaanah xiinaanamih astah aban sadgatah, Suleeman laak labaatanna kee namma alfi yusguudeh. Illi kee wadarak bool kee labaatanni alfi yusguude. Israayil ummatta kee malik toh akah abeenim, a sadgat, YALLIH Qibaadah-Qarih orba sadgat yakke'gidik ten.

Qedra 5:16

Too num Yarusalaam yemeeteeh, Yallih Qibaadah-Qarih rakiibo hee. Sarrak xiso akak too saaku qimbiseeniih, ta saaku fan too xisot nan. Xisok uxih gaba makalinna› 'yaanam nek iyyen.

Zakariyya 1:1

Daryawes Fursi-rasul tu edde taade malik yakkeemih nammeyhaytô-sanatak bacarhaytoh alsat, YALLI Zakariyyal farmo oobise. Zakariyya Barkiyya deqsita numih baxak ten. Barkiyyah abba Qiddo deqsita numuk ten.

Zakariyya 1:16

Ahaysa Yarusalaam emeeteh aniih, teetih racmateyyo. Yi Qibaadah Qari nammeyhaak xiseloonuuh, Yarusalaam kaadu nammeyhaak xissiimele. Tah intam yooy YALLAY Nabaamak Nabahiyya› 'yaanam siinik iyya, keenik inxic» yok iyye.

Zakariyya 4:9

YALLI yok iyyeemih, «Darabbabel yi qarih xisneh rakiibo bicseeh; ahaysa gaba akak kalele. YALLAY Nabaamak Nabahiyya sin fanah yoo ruubem too saaku aaxigetton.

Qedra 4:24

Yallih-Qarih-xisne kaadu fanal teedeeh, Fursi-malikiy migaaqah Daryawes deqsitahiyya edde dardaare nammayhaytô sanat fan, xisne akak elle yeyseeden aracal elle teedeeh sugte.

Qedra 9:9

Naqoosah sugne'mmay, kooy ni Dagelta kinnihiyya nee mamaaqilinnaay, ku kacanuy aggiriqe sinnihiyya nee dacrisak, Fursi-malik ni yab oggola num abte. Ku qariy yiddigilleh sugehiyya xisnuuy, akkel Yarusalaam kee Yuudâ-rasul amaanah xinna'gidih, akke nee ruubaamih taama too malikih gabat absisse.