Qedra 5:16 - NABUWWA KEE MALIKWA

¹⁶ Too num Yarusalaam yemeeteeh, Yallih Qibaadah-Qarih rakiibo hee. Sarrak xiso akak too saaku qimbiseeniih, ta saaku fan too xisot nan. Xisok uxih gaba makalinna› 'yaanam nek iyyen.

Qedra 5:16 Referans Kwoze

Qedra 6:15

Yallih Qibaadah-Qarih xisnek, Daryawes deqsita malik edde dardaare laceyhaytô sanatak Adar deqsita alsak sidochaytoh ayrot gaba kalen.

Qedra 3:10

Xisne aba mari, YALLIH Qibaadah-Qarik rakiibo heen saaku, seeka dallaabiyat gacca teh, *baanta gabat luk, elle sooloonu waan arac yibbixen. Leewi deqsitta kedok Asaf deqsita gulubuh yooboke mari kaadu, giyaagib gabat luk, keenih heen aracal soolen. Too waqdi Dawud dabaanak raqte qaadal akah abak yenen innal, YALLA saarisen.

Qedra 3:8

Yuduure mari Yarusalaamay Yallih Qibaadah-Qari elle suge arac kinnihiyya gufeenimih nammayhaytô-sanatak nammeyhaytoh alsat, Yarusalaamal gaabooweenih, Qibaadâ-Qarih-xisne duma elle suge'kkel nammeyhaak xisaanam qimbisen. Saltiyál-Darabbabel kee Yahuuxadák-Yaasuwa kee, wohuk kalah yan ken marak seekaay, Leewih yooboke mara kee, elle sugen marin baaxok yuduure marak num raaqe'kal, yakkeenimik inkih, too taamat gaba yessegellen. Leewih yooboke marak labaatanni karma akke kee wohuk fula aalle yakke mari inkih, woo qarih xisoh taama elle takke'nna amo wagitak yenen.

Zakariyya 4:10

Taway fan aben qarih xisne qunxa intit maballina. Darabbabel xisne makot tanim kee ane waytam elle yaaxigen akat gabat luk yabloonu waan waqdi, ruffa axcelon» 'yaanam yok iyye. «A malcina faanus, Yallih malcina intiy a addunyal tikka tam edde yablehiyya» yok iyye.

Caggay 2:18

A saaki, yi Qarih rakiiboh xisnek gaba edde kalten ayrooy; yi Qarih rakiiboh xisnek gaba edde kalteenim, ta sanatak sagalhaytoh alsak labaatanna kee fereyhaytoh ayro. Tahak wadir anu siinih abu waam cubbusa.

Qedra 5:2

Saltiyál-Darabbabel kee Yahuuxadák-Yaasuwa too namma nabi yab yoobben waqdi, Yallih Qibaadah-Qarih xisne wadir qimbisen. Too namma nabi xisol kaadu ken catteh.

Qedra 5:14

Nabkadnessar duma Yarusalaamal-yen-Qibaadah-Qarik dahab kee lakqok bicsen mingilwa beeh sugeeh, Baabeloonul usuk isih Yalla axcuk aqbuduk yen duyyeeyah qibaadah-qarih addal heeh suge. Malik Kooris too mingilwa tokkek bahsissa heeh wadir gacseeh, Sesbaxxar deqsita numih gabal hee. Too num kaadu Yuudâ-rasih abba abe.

Qedra 5:15

Sarrak too numuk, «Tama mingilwa beyay Yarusalaamal yan Yallih Qibaadah-Qarih gacis. Yallih Qibaadah-Qari duma elle suge aracal xis» 'yaanam iyye.

Zakariyya 4:9

YALLI yok iyyeemih, «Darabbabel yi qarih xisneh rakiibo bicseeh; ahaysa gaba akak kalele. YALLAY Nabaamak Nabahiyya sin fanah yoo ruubem too saaku aaxigetton.