Qedra 4:24 - NABUWWA KEE MALIKWA

²⁴ Yallih-Qarih-xisne kaadu fanal teedeeh, Fursi-malikiy migaaqah Daryawes deqsitahiyya edde dardaare nammayhaytô sanat fan, xisne akak elle yeyseeden aracal elle teedeeh sugte.

Qedra 4:24 Referans Kwoze

Caggay 1:15

Too qarih xisne edde qimbiseenim, Daryawes tu edde taade malik edde yekke nammeyhaytô sanatak leceyhaytoh alsak labaatanna kee fereyhaytoh ayrok ten.

Nacmiya 6:9

Naqboytit toh akah abtem, meysinneh abna taama nayseede'gidik ten. Toh uble waqdi dooqa abeeh, ‹Yallaw, qande yot hay› exce.

Nacmiya 6:3

Sarrak anu kaadu farmô-mara keenih ruubeeh keenik exceemih, «Edde anim kaxxa taama kinnuk, amaatem madudda. Sin fan emeeteh, abah an taama fanal cabam mafaxa» 'yaanam keenih ruube.

Qedra 6:1

Tohuk lakal inkih tan baaxok malikih yen Daryawes, «Baabelon rasul malik kutbeh buxal duma tekkem elle yuktuben kitooba tanik wagita» 'yaanam iyyeh amri yecee.

Qedra 5:5

Yalli Yahuud-marih idoolak amo isih dacrisak yeneemih sabbatah, Fursi-doolatih taamat yen mari, naharak malikih warse'kal hebeltô-maaqatta bee waanamal gaba kaleeniih; tonna leemiik Yahuud mari woo taama elle beyak raaqe.

Qedra 4:23

Racum kee Simsay kee ken adoytitte ta warkatay Malik Artacsasta ruubehiyya yikriyen waqdi, arduk Yarusalaam fan gexeeniih, magaala xisak suge mara xisnê-taamak caylat yeyseeden.

Qedra 5:1

Too dabaanal Caggay kee Qiddó-Zakariyya deqsita namma nabi suge. Too nabuwwa, Israayil doore Dageltay ken amol yenehiyyah migaaqal, Yuudâ-rasu kee Yarusalaam magaalal suggu 'ye Yahuud mara lih yaaben.

Qedra 6:14

Nabi Caggay kee Qiddó-Zakariyya ken aydikumusak, Yahuud marih idoola kaadu is le kabuk, Yallih Qibaadah-Qarih xisnet tisissikeeh, meqe'nnal taamitak xisen. Israayil doore Dagelti elle amrissa hee innal, tonnah kaadu, Fursi deqsita rasuk malikwah ten Kooris kee Daryawes kee Artacsasta deqsitta malikwa keenik elle inxicca 'yen innal, Israayil doore Dageltah-qari xiseenih, gaba kalen.

Daaniyel 9:25

Taaxigem meqemii, Yarusalaam nammayhaak xisoonuuy, elle sugte'nnal tet gacsoonuh amri yeceenim kee, Yalli doore mirac yamaateemik fanat, waktik malcina waqdi malciin-gide kee, lactam kee namma waqdi malciin-gide tatrele. Gititte kee qande le megdeb luk tet xiseloonuh immay too waktil kaxxa gadaama akkele.

Caggay 1:1

Daryawes deqsita Malik Fursi-rasul tu edde taade malikih yen dabaanal, malik edde yekke nammayhaytô sanatak leceyhaytoh alsak inikhaytoh ayro, YALLIH farmo nabi Caggayal obte. Woo farmo YALLI akah ruubem, Darabbabel deqsita numuy Yuudâ rasul abbah sugehiyya kee Yoosuwa deqsita numuy woo rasul kaxxa seekih yenehiyyak ten. Darabbabel Saltiyal deqsita numih baxak ten. Yoosuwa kaadu Yahuuxadak deqsita numih baxak ten.

Caggay 2:15

«Tonna leemiik ahak wadir cubbusa; tahak sarra caalat dumî-bis siinil mayalla. Yi Qarih xisne qimbissaanak duma,

Zakariyya 1:1

Daryawes Fursi-rasul tu edde taade malik yakkeemih nammeyhaytô-sanatak bacarhaytoh alsat, YALLI Zakariyyal farmo oobise. Zakariyya Barkiyya deqsita numih baxak ten. Barkiyyah abba Qiddo deqsita numuk ten.

Qedra 3:8

Yuduure mari Yarusalaamay Yallih Qibaadah-Qari elle suge arac kinnihiyya gufeenimih nammayhaytô-sanatak nammeyhaytoh alsat, Yarusalaamal gaabooweenih, Qibaadâ-Qarih-xisne duma elle suge'kkel nammeyhaak xisaanam qimbisen. Saltiyál-Darabbabel kee Yahuuxadák-Yaasuwa kee, wohuk kalah yan ken marak seekaay, Leewih yooboke mara kee, elle sugen marin baaxok yuduure marak num raaqe'kal, yakkeenimik inkih, too taamat gaba yessegellen. Leewih yooboke marak labaatanni karma akke kee wohuk fula aalle yakke mari inkih, woo qarih xisoh taama elle takke'nna amo wagitak yenen.

Qedra 4:5

Fursih doolatih abbobti a taama abe ken akah kalta'nnah, guqul keenih yeceen. Kooris kee Daryawes dardaarinnih waktil, oson elle ackamuk sugen baaxol abbobtih suggu 'ye marah guqul acayuk, a qarih xisok ken elle yayseeden malat gacen.

Qedra 6:15

Yallih Qibaadah-Qarih xisnek, Daryawes deqsita malik edde dardaare laceyhaytô sanatak Adar deqsita alsak sidochaytoh ayrot gaba kalen.

Daaniyel 11:2

Qagseh iyyeemih, ‹Anu taway koh warisu waam numma. « ‹Ahak sarra Fursi-rasul sidiica malik reedele. Keenik lakal yamaatu waa fereyhaytô-malik gaddaliinoh keenik inkih aysele. Usuk leh yan qande kee gaddaliinok gexxaamah, Giriik xintot qeebi abam faxele.

Caggay 2:18

A saaki, yi Qarih rakiiboh xisnek gaba edde kalten ayrooy; yi Qarih rakiiboh xisnek gaba edde kalteenim, ta sanatak sagalhaytoh alsak labaatanna kee fereyhaytoh ayro. Tahak wadir anu siinih abu waam cubbusa.