Biblia Todo Logo
Bib sou entènèt

- Piblisite -




Qedra 10:6 - NABUWWA KEE MALIKWA

6 Sarrak Yallih Qibaadah-Qarih foocay elle sugehiyyak ugutta 'yeeh, Qibaadâ-Qarik Elyaasib baxa Yahoocanan le goli fan gexe. Tokkel inkih yan bar, marin baaxok yuduure mari abeh yan umaaneh kaxxam qaadeh, maaqok ligat xiineeh, leek bakaarat xiine.

Gade chapit la Kopi




Qedra 10:6
16 Referans Kwoze  

Sek Elyaasib kee sek Yoyaadaq kee sek Yocanan kee sek Yadduqa deqsita sek addunyal elle anih, Leewi kee seekah yaabuke marih migaq yunkuttubeh yen. Ta affara sek addunyal anih, kaxxa seekak yenen. Takkay immay Daryawes deqsita num, tu edde taade Fursih malik yekke ayrok wadir migaq kutbe gaba kalte.


Magaalak gasoosa elle xisnem annak ten. Eliyaasib deqsita num kee kaal luk tan seeka taama qimbisak, Illi-Afa deqsitta afa xisen. Too afah xisnek gaba kalen saaku, afa Yallah taahirroyseeniih; culmah alifih edde haan coox edde heen. Seeka, sahda akak yabloonuh xisen Bool-Qari deqsita qarik xabba haanamaay sahda akak yabloonuh xisen Cananal-Qari fanah amma 'yaanam, a gaso Yallah taahirroysen.


Too waqdi dooqa abeh, Yalla kallace. *Qabuddat sartanah gaccaay soomuh assa exceh, gomboduk addat daffa exce. Sarra abne umaanet yaabeeh, Yallay yi Dagelta kinnihiyya kallace. Exceemih, «Goytaw, atu naba Dagelta kinnito; nanu kok meysinnah. Koo kicna mara kee ku amri oggola mara lih abe bica xagura Dagelta kinnito. Woo mara lih lito kacni mayambaxa.


Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.


Yoyaadaq kaxxa seekih yen Elyaasib baxak yen. Takkay immay kay baxi Sanballat deqsita numuy Beet-Coron deqsitta magaalal yoobokehiyyah baxál digibe. Tohuk gexxaamah Yoyaadaq Yarusalaam magaalah addak eyyeeqeh.


Yaasuwa, Yoyaakim xale; Yoyaakim Elyaasib xale; Elyaasib Yoyaadaq xale;


Dabbáy-Baaruk wohul katayta exxa bicseeh, Elyaasib deqsita kaxxa seekih yen numih buxah culma fan xisak baahe.


Qedra baaxok bagul afah radda 'yeh, Yallih Qibaadah-Qarih foocal aben umaanet yaabakaay, weeqak dooqa abak suge waqdi, Israayil ummattak labha kee agabu kee urruk mangom xaqul kaak gaabowwa 'yeenih kaxxam weeqen.


Bari radda 'yeh magrib waqla aban sadgatah sahda amma 'tam fan, tokkel elle wariggat sugeeh; Yalli marin baaxok yuduure mari abe dambik iyyeh sugem aaxaguk suge mari, ahak maca net akkeleh kaxxam cunxiteeniih; yol gaaboowen.


Sarrak, «Marin baaxoy elle sugehiyyak yuduureeh, away Yarusalaam kee Yuudâ rasul enna 'ya maraw, tikki 'taanamak Yarusalaam fanah ama» 'yaanamih farmo ruuben.


Swiv nou:

Piblisite


Piblisite