Qedra 10:11 - NABUWWA KEE MALIKWA

¹¹ Taway, abten dambik YALLAY sin kaxxa abbobti doorehiyyal uduura. Yalli faxam aba. Baaxol sin lih yan marin marak exxeera. Ken agabuy ginnaaqot tabbixeeni xiiriya; nikac keenik kala» 'yaanam keenik iyye.

Qedra 10:11 Referans Kwoze

Qedra 10:3

Tanna kinnuk, taway ta agabuy ginnaaqot nabbixe kee keenit xalle xaylo buxak ninnik ken xiiriyennoomuh, Yallah qahdi cullay. Koo kee kok kalah yan maray Yallih amri yassakaxxehiyya aba nek axcinnaanim abenno. Yalla kinni ni Dageltih amri iyyam abenno.

Yoosuwa 7:19

Too waqdi Yoosuwa kaak iyyeemih, «Yi baxaw, YALLAY Israayil doore Dagelta kinnihiyyah nabna faylisaay; kay foocal abteemit yab. Abba haytem taway yoh warisay yok maaqarin» kaak iyye.

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Yasaqya 56:4

Macaay inteenik, YALLI, seelabu le marak iyyaamah, «Sabti ayroy yoo edde yaqbuden ayro kinni tessekexxeeniih, yoo ruffa haytam abteeniih yi qahdil diggi inteenik,

Nacmiya 13:3

Israayil mari tohim keenih yikriyen waqdi, marin baaxoh maray ken addal suggu 'yehiyya inkih isinni addak ken yeyyeeqeenih.

Qedra 9:1

Tohum inkih abeenik lakal, Israayilik saqoltih yan marak garab yemeeteeh, yok iyyeenimih, «Seeka kee Leewih yooboke mara kee kalah tan ummatta, a cuggaaneh keenik yan mara kee oson edde asan umâ-yabulih tan qaadoodik yaxxeeroonu cineenih. Too maray keenik cuggaaneh yanihiyya duma a baaxol sugen Kanqaan kee Ciita kee Feriida kee Yabuusa kee Qammon kee Mooyab kee Masri kee Amoora mari abak suggu 'ye umâ-yabulih tan taama aban.

2 Aydaad 30:22

Ciskiyyaahu, Leewî-mari YALLIH qibaadah taama elle aban innah ixxiga loonum keenik yuble waqdi, wohul ken fayliseh. Malcina ayroh gide amaanah xiinaanamih astah qidan sadgat abakaay YALLA faylisak sugeenik sarra,

Qedra 10:10

Qedra yemeeteeh foocal keenik sollu 'yeeh, keenik iyyeemih, «Isiniiy Yallak texxeereeniih, marin agabul rihimten. Duma abten umaanek gibdi umaane abten.

Qedra 10:12

Usuk too yaabak gaba kale waqdi, kobxeh suge mari inkih anay fayya haak, «Atu nek inxicca 'tam inkih abnam nel tan.

Ermiyaas 7:3

«Too waqdi farmoh keenik intaamah, YALLAY Nabaamak Nabah, Israayil doore Dagelta kinnihiyya siinik iyyaamah, ‹Edde tanin gita caba. Abtan taamak raaqa. Tonnal, elle tanin baaxol tanoonay sin axceyyo.

Yacedkel 18:30

«Away yoo YALLAY Mulki lehiyya siinik axceemih: kulli numuluuy abba hee umaanek abba heeh gidel kaal ackumeyyo. Tonna'mmay edde tanin dambik uduura. Abtan dambit isinni mabaysina.