Qaamus 9:5 - NABUWWA KEE MALIKWA

⁵ YALLAY Dagelta kinnih, Nabaamak Nabahiyya baaxol inti haa waqdi, baaxo diyaayak sutta inta. Niil weeqayti leek yamagge saaku elle koramkorsima'nnal, baaxo kabuk kabul koramkorsimta. Teetil yan mari inkih weeqa.

Qaamus 9:5 Referans Kwoze

Qaamus 8:8

Sin qamalak gexxaamah baaxo angayyele. Baaxol enna 'ya mari inkih weeqele. Niil weeqayti leek yamagge kee salca saaku akah yangayye'nnah, inkih tan baaxo digaalah angayyele.

Yasaqya 64:1

YALLAW, qaran boohisseh nel macah oobe waytaah? Qaleeli koo yable way meysih axaxitele.

Cabakkuk 3:10

Qaleeli koo yuble waqdi, kok cunxiteeh, axaxiteh. Qaraanak kaxxa rob radeh; baaxol sugga 'tem duufut bee. Baaxok guba tan lee muxxe; weeqi kaxxa haffo baahe.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Hosiqa 4:3

Tohih sabbatah baaxo kafele. Baaxô-bagul sugga 'tem inkih boolaatak boolaatele. Alak alaakulleyti inkih ambaxele. Kimbir kee kullum selliimele» iyye.

Ermiyaas 12:4

Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Naacum 1:5

YALLIH foocal qaleeli kadiidimitah. Kooma kay foocal diyaytah. YALLIH garil baaxo axaxxah. Addunya kee addunyâ-bagul enna 'tam inkih axaxittah.