Qaamus 9:2 - NABUWWA KEE MALIKWA

² Baaxo dagga heenih ardik guba gacaanamah, tokkek handifeh ken ayyaaqeyyo ikkal ken macaba. Qaran yawqeenimih ken gacseyyo.

Qaamus 9:2 Referans Kwoze

Ermiyaas 51:53

Baabelon mari qaran yawqeemih, wokkel qande le megdeb xisaanamah, tohim keenik bayisu waa mara keenit ruubeyyo. Tahat yabtam yoo YALLA» keenik iyye.

Qobadya 1:4

Qarwa siinik fayyah qawi qari elle xissitta aracih missal xissaanamah, cutuukâ-missat missossaanamah, addah sin oobiseyyo. Tah intam yoo YALLA.

Ermiyaas 49:16

Sahda nek meysitta axcuk kaxxiinittaanah immay, sin kaxxiina sin aylahisseh. Dabaaqah elle tantoonum, xixxaqak kibuk tan boolok bagu. Dabaaqah qawiitak kaxxih fayya le aracal tantoonu'mmay, anu addah sin oobiseyyo. Tahat yabtam yoo YALLA› » keenik iyye.

Yasaqya 2:19

Usuk baaxo yasgayye'gidih yamaatu waa saaku, YALLA kee kay kaxxa nabnah meysih, ummat gablah addat tambooqorem kee booriimah addat tambooqorem akkele.

Yacedkel 26:20

Rabe mara fan obba 'teh dumî dabaanal suge mara luk akah gacta innah kok abeyyo. Dumaak baate duyyey abuuruh raqqa 'teh woo boodo fanah obtehiyya lih oobetto. Tohuk wadir mataduuraay addunyal manoh maraqta.

Yacedkel 31:14

Tahak wadir faxe caxa leek faxeh gide geytaamah, dadal kee xexxaarah too caxah innah magacta. Xexxaarah qamburre gufta caxa tahaysa mataabuka. Toh akah axcem, rabeeniih dite le kabri oobe marat yengeleeniih woo boodo fanah oobelon» iyye.