Qaamus 9:15 - NABUWWA KEE MALIKWA

¹⁵ Israayiliy yi ummatah tanihiyya dumaak ikoytah keenih ecee baaxo gacissa ken heeh, dabaaqah ken elle daabiseyyo. Tohuk wadir tokkek mayarraanaay elle anelon. Tahat yabtam yoo YALLAY sin Dageltah yani» 'yaanam iyya.

Qaamus 9:15 Referans Kwoze

Ermiyaas 24:6

Baabeloonul yaniinim fanah, innih amo keenik wagitak sugeyyooh, sarra a baaxo ken gacseyyo. Ken gacsek lakal, ken xiseyyo'kkal ken maggilaay; caxah innah ken daabiseyyo'kkal, ragidiik ken masiiba.

Yacedkel 37:25

Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.

Yacedkel 34:28

Irô baaxoh mari ahaysa ken mabuuba. Ahaysa alluwwa ken maqiddaay ken matakma. Sahda ken mameysissay, ahaysa amaanah xiinelon.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Ayyuqel 3:20

Rabe marih cane gacseyyo. Umaane abe marat macaba. Takkay immay, Yuuda kee Yarusalaam mari, adok ado fanah isi dabaq macaba. Yoo YALLAH tu gactekiiy Siyon Qalel gaceyyo» iyye.

Ermiyaas 32:41

Keenih aba maqaane ruffu yoo heele. A rasuk way akah aarre waan innah, nagay yan daabisiyya keenit abeyyo. Tahamaay, keenih liyoh an xuwaawah abu waama.

Miika 4:4

Kulli num isi buqre kee isi bustaanih garil amaanah xiineleeh; akak meysitaanam matan. Tah abtu waytaamih xagana cultem, YALLAY Nabaamak Nabahiyya.

Ermiyaas 3:18

Too saaku Yuudah-ummatta Israayil-xaylot angaleleeh, sarrak marin baaxoy kilbat le kabul tanihiyyak aduureloonuuh; ken kaxxa abbobtih kulli waqdi ikoytah eceeh en rasu fan gacelon.

Ermiyaas 32:15

YALLAY Nabaamak Nabah, Israayil doore Dagelta kinnihiyyaa, ‹Buxaaxi kee buqre-baaxo kee qinab xala coox elle yaabuke baaxo, wadir edde limmoysoonu waan wakti amaatele› 'yaanam iyyeh yan, kaak exce.

Ermiyaas 32:37

Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.

Ermiyaas 33:7

Israayil kee Yuudah yooboke mara, seewah ken been baaxok, ken baaxo ken gacseyyooh, duma akah suggu 'yen mara ken abeyyo.

Yacedkel 37:21

Sarrak keenik intaamah: YALLAY Mulki lehiyya iyyaamah, ‹Israayil mara elle gexen baaxok bahha heeh, tittal ken kobxissa heeh ken baaxo ken gacseyyo.